"?" dep atalatyn kórmege qylqalam sheberiniń 40 tan astam kartınasy qoıylmaqshy. Ózgeshe taqyryptaǵy kórmede avtor ómirdiń suraqtarǵa toly erekshe sátterin beınelegen týyndylaryn kópshilikke usynǵaly otyr. "Osy jumystarym arqyly men tól tarıhymyzǵa adaldyq, ómirdi izgilendirý jáne qazir de bolyp jatqan soǵystar týraly tereńirek oılanyp, bir sát qaıda bet alǵanymyzdy baǵamdaýǵa tıis ekenimizdi aıtqym keledi", - deıdi sýretshi. Kórme jas keskindemeshiniń tuńǵysh jeke shyǵarmashylyq ekspozıııasy sanalady.
Arshyn Qabylbek 1989 jyly QHR-da týylǵan. 2006 jyly Kúıtýn qalasynda kórkemóner kolledjin bitiredi. 2011 jyly T.Júrgenov atyndaǵy QazUÓA-nyń "Keskindemeshi" mamandyǵyn Jumaqyn Qaıranbaevtyń sheberhanasy boıynsha támamdady.
Jas sýretshi birneshe respýblıkalyq jáne halyqaralyq óner festıvalderi men baıqaýlarynyń jeńimpazy. Aıtalyq, 2007-2008 jyldary Astana qalasynda ótken halyqaralyq "Shabyt" shyǵarmashyl jastar festıvaliniń dıplomymen, 2008 jyly Almatyda ótken "Býrabaı - 2008" atty kórkem sýret kórmesiniń birinshi dárejeli dıplomymen, 2009 jyly Qazan qalasynda ótken Shańhaı yntymaqtastyq uıymy aıasyndaǵy "Jastar shyǵarmashylyǵy" kórmesiniń úzdik dıplomymen marapattalady. 2010 jyly QR Táýelsizdik kúnine arnalǵan "Sheteldegi qazaq jastary jáne ana tili" atty halyqaralyq óner festıvalinde "Qolóner jáne kórkem sýret" nomınaııasy boıynsha "Eń úzdik sýretshi" ataǵynyń ıegeri atansa, 2011 jyly Mysyr elinde ótken Jastar shyǵarmashylyǵy sheberlik synybynda kúmis medal ıegeri atanady. 2016 jyly "QR Táýelsizdiginiń 25 jyldyǵyna arnalǵan halyqaralyq óner festıvali" aıasyndaǵy "Almaty - Táýelsizdiktiń altyn besigi" atty sýretshiler saıysynda I oryndy ıelendi.
Qazirgi ýaqytta sýretshi T.Júrgenov atyndaǵy Qazaq ulttyq óner akdemııasynyń kolledjinde dáris beredi.
