Áshirbek Tórebaıuly Syǵaı – 1947 jyly Ońtústik Qazaqstan oblysy, Kentaý qalasynda dúnıege kelgen.
Qazaq teatr ónerindegi syn salasynyń kórnekti ókili, teatr synynyń damýyna ólsheýsiz úles qosqan Á.Syǵaı "Ińkár shaq" (1978), "Syr sandyq" (1981), "Sahnaǵa sapar" (1990), "Jarnama aldyndaǵy oı" (1993), "Sahna sańlaqtary" (1998; Qazaqstan Memlekettik syılyǵy, 2000), "Teatr taǵylymy" (2003), "Tolǵam" (2004), "Taldyqorǵan teatry" (2005) syndy kitaptardyń avtory.
Ol V.I. Ejovtyń "Bulbuldar túni", O.Sh. Ioselıanıdiń "Arbań aýdarylǵansha", J.B. Molerdiń "Eriksiz úılený", K.Goldonıdiń "Kúlkili oqıǵa", Sh.Rokvıdiń "Mazasyz ájeı", t.b. shyǵarmalardy qazaq tilinde sóıletti.
Syn sardary, ulaǵatty ustaz Áshirbek Syǵaı qazaq teatr ónerine ǵana emes, elimizdiń qoǵamdyq ómirine de belsendi aralasty. Memlekettik qyzmette otyryp, óner janashyry retinde atqarǵan eńbegi el esinde.
Ol Qazaqstannyń eńbek sińirgen óner qaıratkeri, Qazaqstan Respýblıkasy Memlekettik syılyǵynyń, Táýelsiz «Platınaly Tarlan» syılyǵynyń laýreaty, «Qurmet» ordeniniń ıegeri. Kentaý (1997) jáne Túrkistan (2001) qalarynyń, Ontústik Qazaqstan oblysynyń (2014) qurmetti azamaty.
Teatr synynyń sheberi, óner qaıratkeri Áshirbek Syǵaıdy eske alý keshi, teatr ónerindegi izdenýshiler, teatrtaný ǵylymynyń jolyna bet túzegen bilimpazdar, sondaı-aq, ónersúıer qaýym úshin mańyzy zor kesh bolmaq. Bul – ulylarymyzdy ulyqtaý, olardyń eńbegine qurmet kórsetý, shyǵarmashylyǵyn óskeleń urpaqqa nasıhattaý jáne tulǵalardyń rýhyna taǵzym etý jolynda jasalǵan aıtýly is-shara bolyp tabylady.
