Gúlim Kópbaıqyzy
kınotanýshy, ónertaný magıstri
Bıylǵy jyl –
qazaq teatr ordalary úshin burynǵy jyldardan erekshe este qalary haq. Erekshe
deıtinimiz sol, Saryarqanyń tósinde ornalasqan elordamyzda qatarynan birneshe halyqaralyq, respýblıkalyq teatr festıvalderi ótip, búgingi teatr oshaqtarynyń tynysymen kórermen qaýymdy keńinen tanystyrdy. Qazaq teatrynyń ótkenine kóz júgirtip, búginin baǵamdap, keleshegine
zor úmitpen qaraıtyn óner mamandarynyń basy bir arnaǵa toǵysyp, shyǵarmashylyq
týrasyndaǵy pikirlerin ortaǵa salysty.
Baǵyty men baǵdary, mazmuny men máni turǵysynan
erekshelengen óner merekesiniń biri – 2017 jyldyń 9-13 qyrkúıek aralyǵynda «EKSPO 2017» Halyqaralyq mamandandyrylǵan
kórmesiniń mádenı baǵdarlamasy aıasynda Qazaqstan
Respýblıkasy Mádenıet jáne sport mınıstrligi jáne Qazaqstan teatrlar
assoıaııasynyń uıymdastyrýymen ótken halqymyzdyń kórnekti tulǵasy,
Qazaqstannyń eńbek sińirgen óner qaıratkeri, Memlekettik syılyqtyń ıegeri, teatr
synshysy – Áshirbek Syǵaıdyń 70
jyldyǵyna arnalǵan Qazaqstan drama teatrlarynyń XXV respýblıkalyq teatr festıvali boldy.
Bul festıvaldiń
negizgi maqsaty – bar ǵumyryn teatr ónerine arnaǵan sarabdal synshy, biregeı
teatr qaıratkeriniń shyǵarmashylyǵyn halyqqa keńinen dáriptep, sońynan qaldyrǵan
muralaryn jańǵyrta otyryp, esimin el esinde máńgi qaldyrý.
Atalmysh festıvalge sońǵy
teatrlyq maýsymdarda tusaýy kesilip, bedeldi teatr mamandarynyń, synshylardyń
joǵary baǵasyna ıe bolyp, buryn festıvalderge qatyspaǵan úzdik
qoıylymdar qatysty. Atap aıtar bolsaq, Ǵ.Músirepov atyndaǵy
Qazaq memlekettik akademııalyq balalar men jasóspirimder teatry, Atyraý oblystyq
Mahambet atyndaǵy qazaq drama teatry, Respýblıkalyq akademııalyq nemis drama
teatry, Q.Qýanyshbaev atyndaǵy Memlekettik akademııalyq qazaq
mýzykalyq drama teatry,
Aqmola oblystyq orys drama teatry, Astana qalasynyń Jastar teatry, Shyǵys
Qazaqstan oblystyq «Darıǵa-aı» jastar teatry, «Jas sahna» teatrlarynyń ujymy.
Festıval qoıylymdaryna Qazaqstannyń Eńbek Eri, KSRO jáne Qazaqstannyń halyq artısi, memlekettik syılyqtardyń
laýreaty, kórnekti teatr jáne kıno akteri,
rejısser, professor Asanáli
Áshimov, «Teatralnaıa jızn»
jýrnalynyń bas redaktory Oleg Pıvovarov, ádebıet
jáne teatr synshysy, mádenıet jáne BAQ sarapshysy Álııa Bópejanova, Qazaqstannyń eńbek sińirgen artısi, «Qurmet» ordeniniń
ıegeri, belgili teatr jáne kıno aktrısasy Merýert Ótekeshova, ónertaný doktory,
professor Baqyt Nurpeıis qazylyq
etti.
Bes kún qatarynan kórermen nazaryna
usynylǵan qoıylymdarǵa qazylar alqasy kásibı saraptama jasap, ózindik
pikirlerin ortaǵa saldy. Nátıjesinde qazylar alqasynyń sheshimi boıynsha:
- «Úzdik spektakl» nomınaııasymen «Rıchard III» spektakli úshin Shyǵys Qazaqstan oblystyq
«Darıǵa-aı» jastar teatry; - «Úzdik rejısserlik jumys» nomınaııasymen Q.Qýanyshbaev
Memlekettik akademııalyq qazaq mýzykalyq drama teatrynyń rejısseri T.Temenov «Aqqýdyń kóz jasy...» spektakli úshin; - «Úzdik rejısserlik jumys» nomınaııasymen Jas Sahna teatrynyń rejısseri B.Abdýrrazakov
T.Djıýdjenoglýdyń «Kóshkin» spektakli úshin; - «Ózekti taqyrypty kótergeni úshin» nomınaııasymen «Bas» spektakli úshin Atyraý oblystyq
Mahambet atyndaǵy qazaq drama teatry; - «Úzdik áıel beınesi» nomınaııasymen Astana Jastar teatry T.Ahmetjannyń «Sulý men sýretshi» spektaklindegi Sulý roli úshin Nazgúl
Qarabalına; - «Úzdik er adam beınesi» nomınaııasymen Aqmola oblystyq orys drama teatry «Pannochka» spektaklindegi
Homa Brýt roli úshin Andreı Vladımırov; - «Rejısserlik debıýt» nomınaııasymen Ǵ.Músirepov atyndaǵy qazaq Memlekettik akademııalyq balalar
men jasóspirimder teatrynyń repertýaryndaǵy M.Gorkııdiń «Shyńyraý» spektakli úshin Danııar
Bazarqulov; - «Orys
klassıkasyn erekshe sahnalaǵany úshin» nomınaııasymen Respýblıkalyq
akademııalyq nemis drama teatrynyń rejısseri N.Dýbs N.Gogoldiń «Revızor» spektakli úshin marapattaldy.
Sondaı-aq,
«Úzdik teatrtanýshy» nomınaııasymen
teatr synshysy Merýert Jaqsylyqova marapattaldy.
Teatr óneriniń kórnekti ókili,
Qazaqstannyń eńbek sińirgen óner qaıratkeri, Memlekettik syılyqtyń ıegeri, tanymal
teatr synshysy Áshirbek Syǵaıdyń 70 jyldyǵyna arnalǵan Qazaqstan drama
teatrlarynyń XXV respýblıkalyq festıvali Qazaqstandaǵy teatr óneriniń búgingi
damý baǵyttary men kórkemdik kelbetin
zerdelep, ózara shyǵarmashylyq qarym-qatynasty odan ári nyǵaıtý, teatr
ónerindegi sabaqtastyqty saqtap, jańashyldyq úrdisterdi damytý, daryndy akterler
men rejısserlerge qoldaý kórsetý maqsatyndaǵy erekshe festıvaldiń biri boldy.
Barsha óner ıelerin, jeńimpazdardy
marapattarymen quttyqtap, shyǵarmashylyqtaryna shalqar shabyt tileımiz!
