Qazaqstan Respýblıkasy Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy túsirgen atalmysh fılm týǵan jerinen ketýge májbúr bolǵan, alaıda ondaǵan jyldar ótken soń Aýǵanstannan eline qaıta oralǵan qandastarymyz jaıly baıandaıdy.
Bıyl halyqaralyq «Religion Today» kınofestıvaliniń negizgi baıqaýynda 28 elden 41 tolyqmetrajdy kartına baq synady. Festıvaldiń úzdik fılmderin halyqaralyq qazylar alqasy anyqtady. Olardyń quramynda rejısser Bendjamın Freıdenberg, serbııalyq rejısser Goran Radovanovıch, «Kınodaǵy bosqyndardyń úni» baǵdarlamasynyń dırektory Bernadett Shramm jáne basqalar.
Festıvaldiń Bas júldesi ıtalııalyq rejısser Ermanno Olmanyń «Kórdińder me, men de sender sııaqtymyn» atty kartınasyna buıyrdy. «Úzdik qysqametrli fılm» júldesin Lýıza Roýzdyń «Chop» fılmi ıelendi, al «Úzdik derekti fılm» júldesi ırandyq rejısser Berýz Nýranıpýrdyń «A 157» atty fılmine berildi.
Odan bólek, festıvalde halyqaralyq qazylar alqasymen birge SIGNIS táýelsiz qazylar alqasy jumys istedi. Onyń quramynda Matteo Astı (Italııa), Gýıdo Konventes (Belgııa), Blanka Marııa Monzon (Argentına) jáne Magalı Van Reet (Franııa) boldy.
Táýelsiz qazylar alqasynyń músheleri «Oralman» fılminiń rejısseri Sábıt Qurmanbekovke aıryqsha alǵystaryn bildirip, bylaı dedi: «Bul fılm Ortalyq Azııadaǵy eń keremet fılmderdiń biri. Qarııanyń atajurtyna degen mahabbaty ádemi beınelengen. Eger de ár bosqynnyń júreginde ata jurtqa oralýǵa degen úmit bolsa, qıyndyqtarǵa qaramastan, maqsatyna jete alady».
Esterińizge sala ketsek, «Oralman» kórkem fılmi osy jyldyń basynda Irannyń astanasy Tegeranda ótken 35-shi Halyqaralyq Fadjr kınofestıvali men XIII Halyqaralyq «Eýrazııa» kınofestıvaliniń Bas júldesin jeńip alǵan bolatyn. Fılmde basty róldi somdaǵan akter Dýlyǵa Aqmolda qyrkúıek aıynda Tatarstanda ótken XIII Halyqaralyq musylmandar kınosy festıvalinde «Úzdik er adam róli» júldesimen marapattaldy.
Aıta ketsek, «Oralman» kórkem fılmi halyqaralyq prokatqa shyǵyp, shetelderde kórsetilip júr. Bul fılmdi birinshi bolyp Avstralııanyń talǵampaz kórermenderi tamashalady. Kelesi jyldyń basynan bastap «Oralman» fılmi Italııada prokatqa shyǵatyn bolady.
Fılm jaıly: Fılm HH ǵasyrdyń 30-shy jyldary qyzyl áskerdiń jendetterinen Aýǵanstanǵa qonys aýdarýǵa májbúr bolǵan qazaq otbasy týraly. Bas keıipker Bazarbaı qarttyń bir qyzy men uly sol jaqta dúnıege keledi. Balalary eseıip, otbasyn qurady. Uly Saparqul jergilikti pýshtýn ultynan kelinshek alady. Al qyzy aýǵan jigitine turmysqa shyǵady. Saparqul soǵys kezinde modjahetter jaǵynda soǵysady. Jyldar ótedi. Bazarbaıdyń otbasy Qazaqstanǵa kóshýge ruqsat beretin kvota alady. Barlyǵy jolǵa jınalady. Taýly qyshlaqtan shyqqan otbasyny uzaq jol kútedi.
Óndirýshi: Sháken Aımanov atyndaǵy «Qazaqfılm» AQ, «Qadam» JShS (kınokompanııa) qatysýymen
Janry: áleýmettik drama
Rejısseri: Sábıt Qurmanbekov
Senarıı avtory: Nurlan Sanjar, Sábıt Qurmanbekovtiń qatysýymen
Qoıýshy operatory: Mars Ýmarov
Qoıýshy sýretshisi: Rýstam Odınaev
Kompozıtory: Aıdos Saǵat
derekkóz: www.kazakhfilmstudios.kz
