Sh.Aımanov atyndaǵy "Qazaqfılm" kınostýdııasynda túsirilgen rejısser Sábıt Qurmanbekovtyń "Oralman" fılmi Tegeran qalasyna (Iran) 35-ret ótken "Fadjr" Halyqaralyq kınofestıvalinde "Shyǵys panoramasy" konkýrstyq baǵdarlamasynyń jeńimpazy atandy. "Azııanyń úzdik fılmi" ataǵyna 12 elden kelgen 15 uzynmetrli fılm talasqan.
"Oralman" fılmi ótken ǵasyrdyń 30-jyldary "qyzyldardan" qashyp, Aýǵanstanǵa jer aýdarǵan qazaq otbasynyń oqıǵasyn baıandaıdy. Týǵan jerge oralýǵa múmkindik alǵan sátte qarııa keıipkerdiń aýǵan jigitine turmysqa shyqqan qyzy sol jaqta qalýǵa májbúr bolady. Soǵys ýaqytynda fılm keıipkerleri Aýǵanstannan Qazaqstanǵa deıin sapar shegedi.
Sonymen qatar, fılmde jergilikti turǵyndardyń oralmandarǵa qatysty kózqarastary týraly másele kórsetilgen. Fılm Qazaqstanda kórsetilimge áli shyqqan joq.
Basty rolderde: Dýlyǵa Aqmolda, Erjan Túsipov, Esim segizbaev, Shynar Asqarova.
"Qazaqfılm" kınostýdııasynyń aqparattyq qyzmetiniń habarlaýynsha, Irandaǵy halyqaralyq kınofestıvalge osyǵan deıin Serik Aprymovtyń "Qııan" fılmi, Ardaq Ámirqulovtyń "Qosh bol, Gúlsary" fılmi (arnaıy júlde, 2010), Dárejan Ómirbaevtyń "Stýdent" fılmi, Aqan Sataevtyń "Jaýjúrek myń bala" fılmi (júlde, 2013), Emır Baıǵazınniń "Aslannyń sabaqtary" fılmi (qazylar alqasynyń arnaıy júldesi, 2014), Ermek Tursynovtyń "Shal" fılmi (tehnıkalyq jáne kórkemdik jetistik úshin, 2014) qatysqan.
Al, byltyrǵy ótken "Fadjr" kınofestıvalinde Erlan Nurmaǵambetovtyń "Jańǵaq tal" fılmi de "Azııanyń úzdik fılmi" júldesin ıelengen bolatyn.
