«Piano Fest Almaty» konkýrsynyń maqsaty — jas talanttardy shyǵarý, ár elden kelgen pıanısttermen tájirıbe almasý, shyǵarmashylyq saıysta qatysýshynyń ishki áleýetin ashyp kórsetý.
Saıysqa Qazaqstan, Qytaı, Qyrǵyzstan, Ońtústik Koreı elderinen kelgen 82 -ge jýyq qatysýshylar qatysady. Ádilqazylar alqasyn – halyqaralyq konkýrstardyń laýreaty, «Anton Brýkner» Avstrııa ýnıversıtetiniń professory Oleg Marshev basqarady.
Konkýrs tyńdalymdary úsh kún boıy ótedi. Balalar mýzyka mektebi, balalar óner mektebi, arnaıy mamandandyrylǵan mýzyka oqý oryndarynyń oqýshylary, sonymen qatar mýzykalyq kolledj jáne joǵary mýzykalyq oqý oryndarynyń stýdentteri álemdik klassıkterdiń jáne qazaq kompozıtorlarynyń shyǵarmalaryn tanystyrady.
Ádilqazylar alqasynda sondaı-aq, Qurmanǵazy atyndaǵy Qazaq ulttyq konservatorııasynyń Qurmet professory, QR Mádenıet qaıratkeri Valentına Tımofeeva, P.Chaıkovskıı atyndaǵy Almaty mýzykalyq kolledjiniń joǵary sanatty oqytýshysy, «Mádenıet salasynyń úzdigi» Baıan Kenjetaeva jáne Qyrǵyz ulttyq konservatorııasy arnaıy fortepıano kafedrasynyń meńgerýshisi Gýlshan Konýsheva qyzmet atqaryp, konkýrsqa qatysýshylardy jas mólsherleri boıynsha (kolledj – 8-12 synyptar, arnaıy mamandandyrylǵan mektep – konservatorııa; BMM 1-4 synyptar, BMM 5-7 synyptar) baǵalaıtyn bolady.
Úzdik oryndaýshylar úsh júldeli oryn, al eń úzdik talantty oryndaýshy Gran-Prımen marapattalady.
Bul konkýrs talantty balalalar men jastardy kásibı turǵyda jetildirýge baǵyttalǵan.
Konkýrs aıasynda Jambyl atyndaǵy fılarmonııada áıgili pıanıst - Oleg Marshevtiń konerti ótedi. Baǵdarlamada Sergeı Rahmanınovtyń II konertin sımfonııalyq orkestrdiń súıemeldeýimen tyńdaı alasyzdar, sonymen qatar konkýrstyń sońǵy kúnderi Marshevtiń sheberlik-klastary josparlanǵan.
Piano Fest Almaty» II halyqaralyq konkýrsynyń saltanatty ashylýy – 23 aqpan (juma) saǵ. 10:30, P.Chaıkovskıı atyndaǵy AMK Úlken zalynda, meken jaıymyz: Manas kóshesi, 13
Konkýrsqa akkredıtteý úshin jáne qosymsha aqparat alý úshin Tuńǵysh Prezıdenti – Elbasy Qorynyń baspasóz qyzmetine habarlasa alasyzdar.
