Kórnekti ǵalym, mıfolog Serikbol Qondybaıdyń 50 jyldyǵyna oraı kezdesý ótedi

"Kózimniń qarasy" mádenı-tanymdyq klýby kórnekti ǵalym, mıfolog Serikbol Qondybaıdyń 50 jyldyǵyna oraı belgili mádenıettanýshy ǵalymdarmen tanymdyq kezdesý uıymdastyryp otyr. Kezdesý 14-naýryz saǵat 11:00 de T.Júrgenov atyndaǵy Qazaq ulttyq óner akademııasynda ótedi. Mekenjaı: Panfılov kóshesi 127. kınozal.
Kórnekti ǵalym, mıfolog Serikbol Qondybaıdyń 50 jyldyǵyna oraı kezdesý ótedi

Serikbol Qondybaı (1968 – 2004) – ǵumyrynyń jartysyn qazaqtyń tarıhyn, mádenıetin, salt-sanasyn jańǵyrtýǵa arnap, súbeli úles qosqan jáne túbegeıli zertteýde zor eńbek etken qazaqtyń ólketanýshy, geograf, pýblııst, etnograf-ǵalymy.

Serikbol Ádilbekuly Qondybaı Mańǵystaýdyń Qaraqııa aýdany, Quryq kentinde 1968 jyly 14 naýryzda dúnıege kelgen

1975-1985 jyldary Mańǵystaý oblysy, Mańǵystaý aýdany, Shetpe kentindegi №3 mektepte bilim alǵan. 1991 jyly Qazaq Memlekettik Ýnıversıtetin “geograf-geomorfolog” mamandyǵy boıynsha bitirip shyqqannan keıin eńbek jolyn mektepte muǵalim bolyp bastaǵan. Keıin aýdandyq “Bilim qoǵamynda” jaýapty hatshy, aýdandyq baılanys torabynda monter bolyp qyzmet etken. 1986 jylǵy “Jeltoqsan oqıǵasyna” qatysyp, 17 jeltoqsan kúni ustalyp, 10 kún qamaýda otyrǵan.

1991 jyly Qazaq ulttyq ýnıversıtetin bitirip, 1991 – 1997 jyldar aralyǵynda Mańǵystaý, Ústirt murajaı-qoryǵynda, oblystyq ekologııa jáne bıoresýrstar basqarmasynda qyzmetker, orta mektepte muǵalim, ólketaný, týrızm, landshaft estetıkasy máseleleri salasynda zertteý jumystaryn júrgizdi. Sonymen qatar baıyrǵy qazaq shejiresi men áfsana ańyzdary, geografııasy turǵysynda maǵlumattar jınastyryp, birneshe kitap jazǵan ǵalym. Ǵalymnyń «Mańǵystaý geografııasy», «Qazaq mıfologııasyna kirispe» (1997), «Mańǵystaý men Ústirttiń kıeli oryndary» (2000), «Esen-qazaq» (2002), «Gıperboreıa: tús kórgen zaman shejiresi» (2003), «Arǵyqazaq mıfologııasy» (2004), «Estetıka landshaftov Mangıstaý» (2005), «Mańǵystaýnama» (2006), «Qazaq dalasy jáne german táńirleri» (2006), «Jaýyngerlik rýh kitaby» (2006) syndy zertteý eńbekteri bar.