Ras, «Quranda» da, «Táýratta» da Jaratqannyń qaharyna ushyrap, turǵyndarymen birge jermen-jeksen bolǵan qalalar men shárlar jaıly áńgimeler jeterlik. Nuh paıǵambar zamanyndaǵy topan sý nemese keıinirektegi Sodom men Gomorra hıkaıalary bolsyn, qaı-qaısysy da Atlantıda oqıǵasymen taǵdyrlas jaıttardan syr shertedi. Biraq Atlantıda emestikteri jáne anyq. Sonda Atlantıda qaıda? Álde Platon shaldyń Atlantıdasy shynymen-aq qurǵaq qııaldyń jemisi ǵana bolǵany ma?

Aqyn Ámirhan Balqybek qarapaıym da kúrdeli jyr shoǵyrlarynyń ıesi ǵana emes, ózindik aıtary bar oıly túrkitanýshy, zerdeli mıfolog, tereń mádenıettanýshy. Aldaǵy ýaqytta portalymyzdyń «Mádenıettaný» bóliminen aqynnyń «Qasqyr qudaı bolǵan kez» kitabynan túrki mádenıetin zerdelegen zertteýler ıklin oqı alasyzdar