Vıktor Vasılevıch Mýn KSRO jáne QR Sýretshiler odaǵynyń múshesi, respýblıkalyq, búkilodaqtyq jáne halyqaralyq kórmelerdiń qatysýshysy. 1951 jyly dúnıege kelgen. N.V. Gogol atyndaǵy Almaty kórkemsýret ýchılıesin támamdady. Kórmeniń ataýy bizdi sýretshiniń kishi otany bolǵan, Almaty oblysyndaǵy Úshtóbege jaqyn jerdegi Bastóbege bastap alyp barady. Sýretshi dál osy jerden óziniń shyǵarmashylyq jolyn bastaıdy, osy meken oǵan shabyt pen kúsh quıady.
Kórmege onyń 80-nen asa keskindemesi men grafıkasy qoıyldy. Onyń shyǵarmashylyǵy HH ǵasyrdyń basynda keńinen tanymal bolǵan kýbızm baǵytyna tán. Bul baǵyttyń negizin salǵandar – P.Sezan, P.Pıkasso jáne J.Brak.
1974 jyldan V. Mýn Koreı teatrynda bas sýretshi bolyp eńbek etedi. «Chýn Hıan týraly ańyz», «37-Tranzıt», «Aǵashty silkýdiń qajeti joq», «Jarylys» jáne t.b. spektaklderdi bezendirdi. Onyń «Tamuq qońyraýlary» pesasyna jasaǵan dekoraııasy joǵary baǵalanyp, nátıjesinde sýretshi teatr jáne kıno shyǵarmashylyq birlestigine qabyldanady. 1986 jyldan «Ara-Shmel» satıralyq jýrnalynda bas sýretshi bolyp jumys isteıdi.
1983 jyldan shyǵarmashylyq qyzmetpen qyzý aınalysa bastaıdy, Almaty, Tashkent, Rıga, Lenıngrad, Máskeý, Tokıo, Ońtústik Koreıadaǵy Seýl jáne Inchon (1999-2001) qalalarynda ótken kóptegen kórmelerge qatysady. Óziniń jeke kórmeleri 1994 jáne 1996 jyldary Kvandjý qalasynda, al 20104 jyly Seýlde ótedi.
Vıktor Mýn – jeke shyǵarmashylyq qoltańbasy bar, óziniń týyndylarymen birden tanylatyn sýretshi. Sýretshini óz jumystarynyń formasy men ıdeıalyq mazmunyna tereń maǵyna beretin adam retinde sıpattaıtyn týyndylarynyń arqaýlary jan-jaqty jáne kúrdeli. Onyń akvareli – muqııat bólshekter men nıýanstarǵa toly kóp eńbektengendi talap etetin jumystar. Keskindemelik jumystarynda pishindik bederlerdi, kóp qabatty boıaý tústerin paıdalana otyryp, faktýramen sheber «oıynǵa túsedi».
Vıktor Vasılevıch óz kórmesin koreı ulty ókilderiniń Qazaqstanda turyp jatqanyna 80 jyl tolýyna arnap otyr. Jaqyndaryn jalmap, týǵan jerinen aıyrǵan 1937 jylǵy saıası qýǵyn-súrgin men jer aýdarýǵa ushyraǵan kóptegen halyqtardyń basyndaǵy osynaý qasiretti oqıǵa áli kúnge deıin olardy uıqysynan shoshytyp oıatady. Alǵashqy qonystanýshylardyń úlesine tıgen sol qatygez de qaıǵyly zamandy eske túsiretin jumystar da bar. Tutastaı alǵanda, sýretshiniń shyǵarmashyǵy oń nıetti. Onyń jumystary bir jerde paıda bolǵandaı emes, jaratylystyń ózindeı tabıǵı baılanysqa túsiredi.
Qazaqstandaǵy koreı dıasporasy sýretshilerdi qoldap, múmkindiginshe kórmeleri men basqa da sharalardy uıymdastyrýǵa qolyn sozyp, at salysyp turady. 2007 jyly Á. Qasteev atyndaǵy QR MÓM-de koreı ulty ókilderiniń Qazaqstanda turyp jatqanyna 70 jyl tolýyna arnalǵan «Kore Saram» kórmesi boldy, oǵan Vıktor Mýn óziniń jeti týyndysyn qoıdy. Bul kórmege ónertanýshy E.M. Kım jetekshi boldy.
V. Mýn qazaqstandyq jáne álemdik ónerdiń damýyna zor úles qosyp, mazmundy kelbet berdi. Onyń týyndylaryn Á. Qasteev atyndaǵy QR Memlekettik óner mýzeıiniń, QR Memlekettik Ortalyq mýzeıiniń qorlary men Qazaqstan, Koreıa, AQSh, Anglııa, Germanııa, Franııa, Reseı, Mysyr, Japonııa jáne álemniń taǵy da basqa elderiniń galereıalary men jeke kollekııalarynan kezdestirýge bolady. Sýretshiniń alǵa qoıǵan shyǵarmashylyq josparlary men jobalary kóp.
