Ш.Айманов атындағы «Қазақфильм» АҚ қарасты «Дебют» шығармашылық-өндірістік бірлестігі қысқаметрлі көркем фильмдер сценарилеріне конкурс жариялайды. Конкурстық жұмыстар 07.02.2018 мен 07.05. 2018 аралығында қабылданады және сценарилерді еліміздің танымал кинематографистері іріктейді.
Ш.Айманов атындағы «Қазақфильм» АҚ қарасты «Дебют» шығармашылық-өндірістік бірлестігі қысқаметрлі сценарилер конкурсына жұмыстарды төмендегі шарттар бойынша қабылдайды:
- Конкурсқа тек Қазақстан Республикасы азаматтары қатыса алады;
- Ұсынымдарды қабылдау мерзімі – 07.02.2018 мен 07.05.2018 аралығы;
- Конкурсқа қысқаметражды көркем фильмдерге арналған сценарий немесе әдеби шығарма негізінде қазақ не орыс тілдерінде, 5-20 бет көлемінде жазылған сценарилер (бір немесе бірнеше авторлар бірлесе жазған) қабылданады.
Салалық білімі бар немесе киноға жақын сала бойынша білімі болғаны абзал;
Конкурсқа жолданатын ұсыным тәртібі:
- Автор туралы қысқа ақпарат және оның осыған дейін жасаған жұмыстары (2 бетке дейін);
- Аннотация (500 белгіге дейін);
- Синопсис (3000-4000 белгіге дейін);
- Конкурстық жұмыстарды үш айдың көлемінде debut@kazakhfilmstudios.kz электронды поштасы арқылы жіберуге болады.
Ш.Айманов атындағы «Қазақфильм» киностудиясының «Дебют» шығармашылық-өндірістік бірлестігі конкурсқа қабылданған сценарийлердің өндіріске жіберілетініне кепіл бермейді және комиссия мүшелері сценарий авторларымен байланысқа шықпайды.
Сценариде төмендегі мазмұндағы сахналар болмауы тиіс:
- конституциялық құрылымды күштеп өзгертуді үгіттеу немесе насихаттау;
- Республиканың тұтастығын бұзу;
- мемлекет қауіпсіздігіне зиянкестік жасау;
- әлеуметтік, нәсілдік, ұлттық, діни, тектік және рулық үстемдікті, қатыгездік пен зорлық-зомбылықты үгіттеу немесе насихаттау көріністері, сонымен қатар порнографиялық және арнаулы сексуалдық-эротикалық сипаттағы көріністер.
Анықтама: + 7 727 313 11 35