Трио мүшелері, «Алатау» дәстүрлі өнер театрының өнерпаздары Нариман Абдрахманов, Айсәуле Қайырғазина және Ерғали Ағайдаров.
«Үшқоңыр» триосының өнердегі мақсаты – дәстүрлі ән мен заманауи эстрадалық әндердің қаймағын бұзбай, саф қалпында тыңдарманға ұсыну.
Концерт «Үшқоңыр» фольклорлық-этнографиялық ән-күй ансамблінің сүйемелдеуімен өтеді.
Жетістіктері:
Н. Абдрахманов – Әсет Найманбаев атындағы І Республикалық дәстүрлі әншілер байқауының, Мәдениет Ешекеев атындағы конкурстың бас жүлдегері, І Халықаралық Тұрсынғазы Рахимов атындағы конкурстың, Дәнеш Рақышев атындағы Республикалық байқаудың, Мұқағали Мақатаев атындағы облыстық конкурстың І орын иегері, Иманжүсіп Құтпанұлы, Мәди Бәпиұлы атындағы Республикалық дәстүрлі әншілер байқауының және т.б. конкурстардың лауреаты.
А. Қайырғазина – Мұхит Мералыұлы, Ғарифолла Құрманғалиев, Мекес Төрешов атындағы байқаулардың және облыстық, республикалық дәстүрлі әншілер арасындағы олимпиадалардың лауреаты, Тұңғыш Президент атындағы стипендия иегері. Башқұртстан Республикасының Сибай қаласында жасөспірімдер арасында өткен «Аспаппен ән салу» номинациясы бойынша ІІ орын иегері.
Е. Ағайдаров – «Күміс көмей, жезтаңдай» атты Республикалық конкурстың І орын иегері, Кенен Әзірбаев атындағы байқаудың ІІІ орын, Новосибирск қаласында өткен Халықаралық Дельфилік ойындардың ІІІ орын иегері, Құрманғазы атындағы Қазақ ұлттық консерваториясының ұйымдастыруымен Республикалық дәстүрлі әншілер арасында өткен олимпиаданың І орын иегері.
Кеш қонақтары: Алтынбек Қоразбаев, Рамазан Стамғазиев, Саят Медеуов, Алма Аманжолова.
Өтетін күні: 2018 жылдың 26 мамыры, сағ.: 18.00.
Өтетін орны: «Алатау» дәстүрлі өнер театрының концерт залы