Жасұлан Сақаевтың орындаушылық мәнері лирикалық шығармаларға бейім. Осыған орай әншінің есеп беру концерті лирикалық поэзия нұсқаларымен, монологтар мен өмірбаяндық-поэтикалық үзінділермен көмкеріліп отырады.
Концерттің бір ерекшелігі – кеш авторының өзін театр актері ретінде сынап көруі болмақ. Атап айтқанда, Естайдың атақты «Құсни-Қорлан» әні театрланған көрініс түрінде орындалады. Кештің жанрлық ауқымы кең, бұған дәлел ретінде әншінің бір топ әнші қыздармен айтысқа түсуін атап көрсетуге болады. Жасұлан Нұрбекұлының негізгі репертуарын Арқа әншілік дәстүрі құрайды, атап айтқанда онда Абай, Шәкәрім, Үкілі Ыбырай, Әсет, Ақан сері және халық әндерінің басы молырақ.
Кеш қонақтары – Жоламан Құжиманов, Рамазан Стамғазиев.
Өтетін күні мен орны: 2018 жылдың 27 мамыры, сағ.: 19.00. «Алатау» дәстүрлі өнер театрының концерт залында.
Мекен-жайы: Алматы қ., «Алғабас–1» ықшам ауданы, 6 үй
Жасұлан Сақаев:
Музыкалық білімі: – 2010–2013 жж. Ж. Елебеков атындағы Эстрада-цирк колледжінде «Дәстүрлі ән» мамандығы бойынша оқыды; – 2013–2017 жж. Т. Жүргенов атындағы Өнер Академиясының «Дәстүрлі ән» мамандығы бойынша білім алды.
Жетістіктері: – 2014 жылы Өскемен қаласында өткен Ә. Найманбаев атындағы конкурстың І орын иегері; – 2014 жылы Жезқазған қаласында өткен Т. Қалмағанбетов атындағы І республикалық конкурстың дипломанты; – 2017 жылы Т. Рахимов атындағы «Сәби болғым келеді» халықаралық дәстүрлі әншілер байқауының ІІ жүлдегері; – 2018 жылы М. Мақатаев атындағы «Жырлайды жүрек» әншілер байқауының бас жүлдегері.