Qazaq kınematografııasynyń qorjyny kezekti komedııamen tolyqty. Mádenı ortalyqtyń kıeli mekeni sanalatyn Almaty shaharynda, qazan aıynyń jıyrma altynshy juldyzynda, Ernar Nurǵalıevtiń kórkemsýretti «Brat ılı Brak» atty tyń týyndysy kórermenge jol tartty. Rejısser men akterlyq quram qatysqan alǵashqy kórsetilimge kópshiliktiń legimen birge ený baqyty bizge de buıyrdy.
Jalpy fılmniń aıtar oıy taqyrypqa tikeleı negizdelgen. Oqıǵa bes aǵasy bar Gaýhardyń turmys qurý jaǵdaıynda udaıy keleńsizdikke tap bolatyn, ómirinen alynǵan úzindiden turady. Fılmniń dál osy taqyrypta túsirilýi de, bas prodıýsser Quralaı Anarbekovanyń ómirimen tyǵyz baılanysty. Ony fılm kórsetiliminen keıingi talqylaý barysynda, atalmysh týyndyny jaryqqa shyǵarýdaǵy basty maqsatyńyz qandaı boldy degen suraǵymyzǵa bergen jaýabynan ańǵardyq. Jaqynynyń 28 jasqa deıin turmys qurmaýyna sezip otyrǵanyńyzdaı, aǵalarynyń qaryndasyna degen qımastyq qyzǵashyny zor yqpaly men septigin tıgizgen. Sonymen qatar, kınotýyndyǵa ádettegi komedııa janryna arqaý bolatyn aýyl men qalanyń salystyrmaly sıpaty. Fılm barysynda aýyldyń shynaıy kórinisi shettetilse de, keıipkerlerdiń sóıleýdegi «akıenti» anyq baıqalady. Sıýjetke sholý jasaǵanda naqty bir oı túıetin sheshimniń bolmaýy jáne tek jeńil ázilge baǵyttalǵan oqıǵalar tizbegine shıelenis pen qaqtyǵystyń azdyǵy áser etkendeı. Senarıı jumysy akterlyq quramnyń birazyna derlik arnaıy jazylǵan. Atap aıtqanda: Marsel beınesindegi Táýekel Músilim, bıznesmen aǵasy – Aıan (Nurlan Sabýrov) jáne qaryndas ári qalyńdyq – Gaýhar (Quralaı Anarbekova), kúıeý jigit beınesindegi basty keıipker – Aıdar (Daýren Sergazın). Sondyqtan da, ár keıipker, ár beıne akterlyq sheberlikke qaraǵanda, ózderiniń shynaıy bolmysyna saı keletindeı beıneni kóz aldymyzǵa ákelgendeı áser qaldyrdy. Degenmen, zalda otyrǵan kórermenderge kúlki syılaǵan týyndynyń sońǵy kadrlary romantıkaǵa negizdelgen sheshimmen aıaqtalýy arqyly erekshe este qaldy.
Qazaqtyń kıno ónerine birneshe teleserıaldarymen tanylǵan rejısser Ernar Nurǵalıevtiń alǵashqy kórkemsýretti fılmi erteńnen bastap kórermen nazaryna usynylmaq. Atalmysh kınokomedııany otandyq kınematografııa salasyn qoldaıtyn, kıno súıer qaýym úshin kórýge keńes beremin.
