Festıval 21-shi qarashaǵa deıin ótkiziledi. Ózindik tarıhy bar bul shara búginde eldiń mádenı ómirindegi eleýli oqıǵaǵa aınalǵaly otyr. Ońtústik astanada bul joly bas qosatyn meımandar dúnıejúziniń túpkir-túpkirinen kelmek. Shara aıasynda álemdik kınematografııadaǵy tańdaýly týyndylar kórsetiledi. Otandyq kınoóndiris salasynyń úlgilerine daıyndalǵan arnaıy baǵdarlama bar. Sonymen qatar túrkitildes memleketterdiń kınolaryna da basa nazar aýdarylmaqshy.
Festıvaldiń ashylý saltanatynyń qurmetti qonaǵy retinde QR mádenıet jáne sport mınıstri Arystanbek Muhamedıuly qatysty.
- Qurmetti qatysýshylar! Qurmetti qonaqtar! Árıne, búgin bizde erekshe kún, nege deseńizder, taǵy da, biz, Uly Sháken Aımanovtyń festıvalin ótkizip jatyrmyz. Osy festıvaldi uıymdastyrýǵa uıytqy bolyp jatqan bizdiń eń súıikti de asa qymbatty, elimizdiń maqtanyshy Asanáli aǵamyzǵa, ekinshi jaqtan qazirgi kınogerler odaǵynyń tóraǵasy, ataqty rejısser Ermek Tursynovqa, sonymen birge, Almaty qalasynyń ákimshiligine kóp rahmet aıtqymyz keledi. Festıval qutty bolsyn! – dedi óz sózinde Arystanbek Muhamedıuly.
Sonymen birge ashylý saltanatyna Almaty qalasy ákiminiń orynbasary Arman Qyryqbaev qatysty.
- Jańa festıvaldiń negizgi mıssııasy - Ortalyq Azııanyń júregi - Qazaqstanda túrki áleminiń kınematografısterin biriktirý. Tarıhı turǵydan alǵanda bul tolyǵymen aqtalǵan qadam, sebebi túrkitildes halyqtardyń mádenı dıalogy baıaǵy zamannan beri jalǵasyp keledi. Endigi kezekte osy dıalogty jańa, sapaly deńgeıde damytý qajettiligi týyndap otyr. Osyndaı ustanymy bar XIV Halyqaralyq Sháken Aımanov kınofestıvali bizdiń qalamyzdyń mádenı ómirindegi jarqyn ári qyzyqty oqıǵa bolatynyna senimdimin, - dedi Arman Qyryqbaev.
Áýezov atyndaǵy drama teatrynyń aldyna tóselgen qyzyl kilemmen álemdik jáne qazaqstandyq kınematograftyń tanymal juldyzdary júrip ótti. Olardyń ishinde: aýǵan rejısseri, «Altyn globýs» syılyǵynyń ıegeri Sıddık Barmak, «Miramax» kınokompanııasynyń vıe-prezıdenti, prodıýser Rozan Korenberg, Gollıvýdtiń sheteldik baspasóz qaýymdastyǵynyń (HFPA) shetel tilderindegi fılmder komıtetiniń tóraǵasy («Altyn globýs») Sergeı Rahlın, reseılik teatr jáne kıno aktrısasy Roza Haırýllına, qazaqstandyq rejısser jáne senarıst Serık Aprymov, jáne taǵy basqalar...
Sháken Aımanov HKF - bul «Sháken juldyzdary» atty festıvaldiń zańdy jalǵasy. Kópshiliktiń esinde ol jas debıýtanttardyń týyndylaryn qaraıtyn festıval retinde qaldy. Jastarǵa baǵyt-baǵdar berip, olardy qoldap, jańa esimderdiń tanylýyna kóp úles qosqan burynǵy kınofestıvaldiń aýqymy shekteýli bolatyn. Ýaqyt óte kele festıvalimiz órkendep, qulashyn jaıa túsýde. Minekeı, bıyl ol múldem jańa formatta kórinis taýyp otyr. Jańarǵan kınofestıvaldiń basty koneptýaldyq ıdeıasy - Ortalyq Azııa júregi - Qazaqstanda túrki álemi kınematografısteriniń basyn biriktirý. Tarıhqa kóz júgirtsek, túbi bir túrkitildes halyqtar arasynda mádenı baılanystyń tamyry yqylym zamandardan jalǵasyp keledi. Sondyqtan bul jalǵastyqty jańa deńgeıge kótere otyryp, qaıta jandandyrý - ýaqyt talaby.
Sonymen qatar, Sháken Aımanov Halyqaralyq kınofestıvali kınoóndiris salasynda halyqaralyq baılanystardy damytyp, yntymaqtastyqtyń tıimdi mehanızmderin jolǵa qoıýdy kózdeıdi. Aýqymdy mádenı shara aıasynda shyǵarmashylyq kezdesýler, dóńgelek ústelder, konferenııalar, sheberlik dárister uıymdystyrylyp, oǵan álemdik kınematografııa salasynda óz orny bar talant ıeleri qatysady.
HKF konkýrstyq baǵdarlamasy úsh jeke bólimnen turady. Olarǵa Sháken Aımanovtyń kartınalarynyń ataýlary berilgen. Mysaly «Jol túıisi» bóliminde kórermen dúnıejúzine tanymal tolyqmetrajdy kartınalardy kórip, tamashalaı alady. «Ata-babalar mekeni» - bul túrki halyqtary fılmderiniń baıqaýy, al «Biz osynda turamyz» bóliminde qazaqstandyq kınolentalar qaralyp, úzdik týyndylarǵa QR kınematografıster Odaǵynyń «Qulager» ulttyq premııasy beriledi.
Kórermenderge arnalǵan konkýrstan tys baǵdarlamanyń da aýqymy keń. Onda dúnıejúzine tanymal klassıkalyq kınolentalardan bastap iri halyqaralyq kınofestıvaldardyń júldegerlerine deıin kezdesedi. Sonymen qatar, qazaqstandyq jáne sheteldik kınomaıtalmandardyń qatysýymen olardyń retrospektıvasy kórsetilmekshi.
Sharany uıymdastyrýshy - QR Kınematografııaster Odaǵy
Quryltaıshy- QR Mádenıet jáne sport mınıstrligi
Almaty qalasy ákimshiliginiń qoldaýymen
