Is sharaǵa Túrki kınosyn dúnıejúzine tanytý qaýymdastyǵynyń tóraǵasy, túrkimen kınorejısseri, senarıst jáne operator, KSRO Memlekettik syılyǵynyń laýreaty, Túrikmen SSR-niń halyq artisi. - Hodjakýlı Narlıev; Túrki álemi jýrnalısteri federaııasynyń prezıdenti - Menderes Demır; «Habar agenttigi» AQ «El arna» kanalynyń dırektory - Seıtmamyt Arman; «Habar agenttiginiń» bas redaktory - Hasenova Kýlımhan; Tájikstan kınematografıster Odaǵynyń tóraǵasy - Safar Hakdodov; Sovet kınorejısseri jáne senarıst - Alı Hamraev; Sovet rejısseri, akter, senarıst, prodıýser - Oktaı Mır-Kasımov, Sháken Aımanov kınofestıvaliniń bas dırektory Ermek Tursynov jáne halyqaralyq kınofestıvaldardyń ókilderi qatysty. Dóńgelek ústeldi prodıýser, NETPAK múshesi, álemdegi túrki kınosy qaýymdastyǵynyń atqarýshy komıtetiniń múshesi Kanat Torebaı júrgizdi.
Kezdesýdi Sháken Aımanov kınofestıvaliniń bas dırektory Ermek Tursynov ashyp, jınalǵan qonaqtardyń jumysyna sáttilik tiledi. Sodan soń sóz alǵan Túrki kınosyn dúnıejúzine tanytý qaýymdastyǵynyń tóraǵasy Hodjakýlı Narlıev qazirgi zamandaǵy túrki elderiniń kınomatografynyń jaǵdaıy týraly sóz etip, ony ary qaraı álemge taratýda qandaı qıyndyqtar kezdesetini týraly aıtyp ketti. Túrki álemi jýrnalısteri federaııasynyń prezıdenti - Menderes Demır kınematografııa salasynda yntymaqtastyqty damytý úshin eń basty kedergi ortaq tildiń joqtyǵyna toqtaldy.
Sonymen birge, «Habar agenttigi» AQ «El arna» kanalynyń dırektory - Seıtmamyt Arman «Ortalyq Azııa men túrki álemi elderiniń efırge shyǵatyn fılmderi: jaǵdaıy jáne perspektıvasy» týraly aıtyp, qazaq telearnalary túrki áleminiń kınosyn kórsetýge daıyn ekendigin aıtty.
«Bizdiń qaýymdastyq túrki áleminiń kınosyn dúnıejúzine taratý boıynsha kóp jumys atqarýda. Biz yntymaqtastyqqa árqashan daıynbyz jáne túrki kınosyn álemdik deńgeıge shyǵarǵymyz keledi. Sondyqtan da biz búgingi kezdesýge qazaq telearnasynyń qatysyp otyrǵanyna óte qýanyshtymyz. Ortaq kelisimge kelemiz dep senemin», - dedi Hodjakýlı Narlıev.
«El arna» tek qazaq kınosyn kórsetedi, biraq osy jyldyń kúzinen bastap biz Ortalyq Azııanyń úzdik kınolaryn kórsete bastadyq. Tájikistanmen tez kelisimge keldik, olardyń kınosyn kórsetýdemiz. Endi bizge basqa da túrki álemi elderimen yntymaqsatyq ornatý qajet. Sol sebepti de men osynda kelgenime qýanyshtymyn. Biz birigip jumys isteýge jáne túrki álemi elderiniń kınosyn qazaq telearnasynda kórsetýge daıynbyz», - dedi Arman Seıtmamyt.
Kezdesýdiń sońynda Sh.Aımanov atyndaǵy kınofestıval men halyqaralyq kınofestıvalderdiń ókilderi: «Úmit» TMD elderindegi jastar kıno forýmy, «halyqaralyq azııa kınofestıvali», «Dıdor» halyqaralyq kınofestıvali, «Halyqaralyq Qazan musylman kınofestıvali» jáne «túrki elderiniń derekti fılmder festıvali» arasynda yntymaqtastyq týraly kelisimge qol qoıyldy.
Qosymsha aqparat boıynsha kınofestıvaldiń baspasóz qyzmetine habarlassańyzdar bolady: Jangeldı Omıralıev, menedjer +7 707 347 8359
Pochta: press@aimanoviff.com
