Is sharaǵa qazaq aqyny, dramatýrg, aýdarmashy, sazger, Qazaqstan jazýshylar odaǵy syılyǵynyń laýreaty, Túrki poezııasy halyqaralyq festıvaliniń laýreaty – Ysraıl Saparbaı; sovet jáne qyrǵyz kınorejısseri, senarıst, SSR jáne Qyrǵyz SSR Halyq ártisi – Bolotbek Shamshıev; sovet, túrkimen kınorejısseri, senarıst, KSRO memlekettik syılyǵynyń laýreaty, Túrkimen KSR eńbek sińirgen óner qaıratkeri – Hodjakýlı Narlıev; «Sh.Aıtmatov atyndaǵy halyqaralyq Ystyqkól forýmynyń» vıe-prezıdenti A.Moldakmatova, aqyn A.Nysanalın, Qazastandyq dıplomat V.Tolmachev, rejısser, Sháken Aımanov Halyqaralyq kınofestıaliniń bas dırektory Ermek Tursynov jáne fılosofııa jáne ónertaný ǵylymdarynyń doktory, Eýrazııanyń ǵalamdyq baılanys jónindegi agenttiginiń bas dırektory - Svetlana Slapke qatysady.
Moderator: Ananeva Svetlana – M.Áýezov atyndaǵy Ádebıet jáne óner ınstıtýtynyń analıtıka jáne syrtqy ádebı baılanystar bóliminiń meńgerýshisi, fılologııa ǵylymdarynyń kandıdaty.
Ulttyq kitaphanaǵa kelgen qonaqtar Sh.Aıtmatov shyǵarmalarynyń kórmesimen tanysyp, kóshpeli halyqtardyń mádenı buıymdaryn tamashalap, kóne túrki jaýyngerleriniń soǵys aılalaryn pash etetin kishigirim kórinisti baqylady.
Sodan keıin dóńgelek ústel bastalyp, kelgen qonaqtar Shyńǵys Aıtmatovpen bolǵan qyzyqty oqıǵalaryn eske alyp, pikir almasty.
«Álemdik deńgeıde ár ulttyń, ár eldiń óziniń bir alǵa salatyn, tarıhtyń ózi, ómirdiń ózi, alǵa qoıatyn adamdary bolady. Sondaı adamdardyń biri Shyńǵys Aıtmatov. Bıylǵy jyl mine sol Shyńǵys Tóreqululynyń jyly.
Men jaqynda ǵana feısbýkte otyryp, Aıtmatovtyń toıy Ózbekstanda atalyp ótilgenin kórdim. Men oǵan óz basym qatty qýandym. Óıtkeni, biz mundaı merekelerdi ózimizdiń deńgeıde ǵana toılaımyz. Biraq, sondaı deńgeıge syımaıtyn adamdar bolady. Sonyń biri Shyńǵys aǵamyz. Osyndaı tulǵalardyń túrki áleminde álemdik masshtabta alatyn orny erekshe», - dedi óz sózinde aqyn Ysraıl Saparbaı.
«Meni Aıtmatovpen 10-shy klassta aqyn ákem tanystyrdy. Men, ol kezdegi ádebıetke qarsy edim, jaspyn ǵoı. Biraq, anam meni kóndirdi, sol kezdegi gazetti qolyma berdi. Ol jerde Aıtmatovtyń «Betpe bet» shyǵarmasy tur eken, sony oqyp tań qaldym. Tań qalǵanym sonsha, otyra salyp osy shyǵarmaǵa senarıı jazyp tastadym. Mektep oqýshysy ne jazady deısizder, biraq, ákem meniń qolymnan ustap Aıtmatovqa alyp bardy. Sol kezde men ony birinshi ret kórdim. Aryq, úlken muryndy. Murynynan basqa eshnarse kórinbeıdi. Ol meniń jazbamdy alyp oqydy. Sodan beri men Aıtmatovpen elý jyldaı birge boldym, tórt kınosyn ekranızaııaladym jáne ol eshqashan eshkimniń qolyn qaqpaǵan», - dedi shamshıev myrza.
«Ár eldiń kúshi men namysy - sol eldiń abyroıly balalary» deıtin maqal bar túrkimen elinde. Aıtmatov tek qana qyrǵyz eliniń maqtanyshy emes, búkil túrki elderiniń, búkil álemniń maqtanyshy.» - dep túıindedi Narlıev aqsaqal.
Kezdesý sońynda festıvaldiń bas dırektory Ermek Tursynovta Aıtmatovpen Belgııada bolǵan kezdesýin eske alyp, jaqsy áńgimemen bólisti.
Otyrysty qorytyndylaı kele moderator Svetlana Ananeva osyndaı kezdesýler arqyly Uly Aıtmatovtyń esimi, onyń shyǵarmashylyǵy eshqashanda umytylmaıtynyn aıta ketti.
Qosymsha aqparat boıynsha kınofestıvaldiń baspasóz qyzmetine habarlassańyzdar bolady: Jangeldı Omıralıev, menedjer +7 707 347 8359
Pochta: press@aimanoviff.com
