Almaty qalasynda 2018 jyldyń 17-21 qarasha aralyǵynda 14-shi Halyqaralyq Sháken Aımanov Kınofestıvali ótedi. Ózindik tarıhy bar bul shara búginde eldiń mádenı ómirindegi eleýli oqıǵaǵa aınalǵaly otyr. Ońtústik astanada bul joly bas qosatyn meımandar dúnıejúziniń túpkir-túpkirinen kelmek. Shara aıasynda álemdik kınematografııadaǵy tańdaýly týyndylar kórsetiledi. Otandyq kınoóndiris salasynyń úlgilerine daıyndalǵan arnaıy baǵdarlama bar. Sonymen qatar túrkitildes memleketterdiń kınolaryna da basa nazar aýdarylmaqshy.
Sháken Aımanov HKF-bul «Sháken juldyzdary» atty festıvaldiń zańdy jalǵasy.Kópshiliktiń esinde ol jas debıýtanttardyń týyndylaryn qaraıtyn festıval retinde qaldy. Jastarǵa baǵyt-baǵdar berip, olardy qoldap, jańa esimderdiń tanylýyna kóp úles qosqan burynǵy kınofestıvaldiń aýqymy shekteýli bolatyn. Ýaqyt óte kele festıvalimiz órkendep, qulashyn jaıa túsýde. Minekeı,bıyl ol múldem jańa formatta kórinis taýyp otyr. Jańarǵan kınofestıvaldiń basty koneptýaldyq ıdeıasy- Ortalyq Azııa júregi-Qazaqstanda túrki álemi kınematografısteriniń basyn biriktirý. Tarıhqa kóz júgirtsek, túbi bir túrkitildes halyqtar arasynda mádenı baılanystyń tamyry yqylym zamandardan jalǵasyp keledi. Sondyqtan bul jalǵastyqty jańa deńgeıge kótere otyryp, qaıta jandandyrý - ýaqyt talaby.
Sonymen qatar, Sháken Aımanov Halyqaralyq kınofestıvali kınoóndiris salasynda halyqaralyq baılanystardy damytyp, yntymaqtastyqtyń tıimdi mehanızmderin jolǵa qoıýdy kózdeıdi. Aýqymdy mádenı shara aıasynda shyǵarmashylyq kezdesýler, dóńgelek ústelder, konferenııalar, sheberlik dárister uıymdystyrylyp, oǵan álemdik kınomatografııa salasynda óz orny bar talant ıeleri qatysady.
HKF konkýrstyq baǵdarlamasy úsh jeke bólimnen turady. Olarǵa Sháken Aımanovtyń kartınalarynyń ataýlary berilgen. Mysaly «Toǵysý» bóliminde kórermen dúnıejúzine tanymal tolyqmetrajdy kartınalardy kórip, tamashalaı alady. «Atameken»-bul túrki halyqtary fılmderiniń baıqaýy, al «Biz osynda turamyz» bóliminde qazaqstandyq kınolentalar qaralyp, úzdik týyndylarǵa QR kınematografıster Odaǵynyń «Qulager» ulttyq premııasy beriledi.
Kórermendergearnalǵan konkýrstan tys baǵdarlamanyń da aýqymy keń. Onda dúnıejúzine tanymal klassıkalyq kınolentalardan bastap iri halyqaralyq kınofestıvaldardyń júldegerlerine deıin kezdesedi. Sonymen qatar qazaqstandyq jáne sheteldik kınomaıtalmandardyń qatysýymen olardyń retrospektıvasy kórsetilmekshi.
Festıvaldiń prezıdenti –KSRO Halyq ártisi, otandyq jáne keńestik kınematografııa salasynda aty ańyzǵa aınalǵan tulǵa - Asanáli Áshimov.
-Mundaı kınofestıvaldar halyqqa óte kerek. Óıtkeni kıno óneri – eń birinshiden halyqtyń enshisindegi dúnıe. Kınofestıvaldi joǵary deńgeıde abyroımen uıymdastyratynymyzǵa senimim mol. Bul qazaq kınosynyń tarıhyn, onyń mártebesin kóterip, bizge óz ustanymy bar basybaıly el bolýdyń jolyn nusqaıdy,- dedi Áshimov.
Kınofestıvaldiń bas dırektory- qazaqstandyq tanymal kınorejısser, QR Kınematografııa Odaǵynyń tóraǵasy Ermek Tursynov.
-Bizdiń maqsatymyz - sanaly kórermendi qaıtarý. Biz oǵan qolyndaǵy popkornyn umytyp ketetindeı kıno kórsetýimiz kerek. Kórermenniń talǵamyna aıaqasty qaramaı, onymen sapaly kınotilde sóıleskenimiz abzal. Men shynaıy óner dep aıtýǵa turarlyq naǵyz kınony meńzep turmyn, -dedi Ermek Tursynov óz sózinde.
Sharany uıymdastyrýshy - QR Kınematografııaster Odaǵy
Quryltaıshy- QR Mádenıet jáne sport mınıstrligi
