2020 jyly 18 qańtar kúni Qazaqstan men Japonııa birlesip túsirgen «Barymtashylar. Ýaqyt joldary» fılmi Japonııada prokatqa shyqty. Týyndynyń rejısserleri – Erlan Nurmuhambetov (Qazaqstan) jáne Lıza Takeba (Japonııa).
Osyǵan oraı Tokıonyń «Sındzıýký Sınema» kınoteatrynda fılmniń saltanatty kórsetilimi ótti. Japondyq kórermenderge bul týyndyny basty rólderdiń birin somdaǵan akter Mıraı Morııama jáne kartınanyń teń rejısseri Lıza Takeba tanystyrdy.
- Túsirilimder Qazaqstannyń kórkem jerlerindejúrgizildi. Bul eldiń tabıǵaty meni qatty tań qaldyrdy. Bizdiń kórermender osy ásemtabıǵatty kóre alatyndaryna óte qýanyshtymyn. Túsirilim alańy úlken qalalardan alys jerde bolǵandyqtan, bári de ońaı boldy dep aıta almaımyn. Alaıda sol kúnderdi saǵynyshpen eske alamyn. Qazaqstandyq kınogerler joǵarǵy deńgeıde jumystaryn atqardy. Osy ról maǵan buıyrǵanyna ózimdi baqytty sanaımyn. Bul – men úshin baǵa jetpes tájirıbıe boldy. Qazaqstanǵa taǵy da baryp, dostarymdy kórip qaıtsam jaqsy bolar edi, - dedi akter Mıraı Morııama Tokıodaǵy kórsetilimde.
Aıta ketsek, japondyqtar bul fılmdi jyly qabyldady. Kórsetilimnen keıin kórermenderjáne jýrnalıster rejısser men akterge suraqtaryn jaýdyrdy. Olar fılmniń kórkemdiligi, Qazaqstannyń kórkem tabıǵaty jáne fılosofııa týraly óz oılarymen bólisti.
Esterińizge sala ketsek, «Barymtashylar. Ýaqyt joldary» fılminiń japondyq premerasy Halyqaralyq Tokıo kınofestıvali sheńberindeótken bolatyn. Sondaı-aq bul kartına Ońtústik Koreıadaǵy Halyqaralyq Býsan kınofestıvaliniń ashylý saltanatynda kórsetildi (álemdik tusaýkeseri).
Fılminiń óndirisin Qazaqstan tarapynan QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy, al Japonııa tarapynan – «Tokyo New Cinema» kompanııasy júzege asyryp otyr.
Atalǵan kınotýyndy tórt túliktiń tóresi jylqy baǵýmen aınalysatyn qarapaıym otbasy týraly baıandaıdy. Bir kúni jylqy úshin adam óltirýden taıynbaıtyn barymtashylar otaǵasyn aıaýsyz óltiredi.
