Erlan Nurmuhambetov (Qazaqstan) jáne Lıza Takebanyń (Japonııa) «Barymtashylar. Ýaqyt joldary» fılmi 24 qańtar – 3 aqpan aralyǵynda Shveııada ótip jatqan 43-Halyqaralyq Gıoteborg kınofestıvaliniń baǵdarlamasyna qatysýda. Fılmdi Qazaqstan men Japonııa birlesip túsirgen. Qazaqstan tarapynan QR Mádenıet jáne sport mınıstrliginiń tapsyrysymen Sh.Aımanov atyndaǵy «Qazaqfılm» kınostýdııasy jumys istese, japon tarapynan – «Tokyo New Cinema» kompanııasy.
Fılmde, tynysh ómiriniń shyrqyn buzyp, barymtashylar otaǵasyn aıaýsyz óltirgen otbasy týraly baıandalady. Marqumnyń 12-jasar balasy Oljas, ákesiniń barymtashylar qolynan ólgenine qaıǵyryp, zulymdyqpen kúresip, otbasylaryna túsken aýyrtpalyqty qaryndastarymen birge keshedi. Qorǵansyz qalǵan Oljastyń otbasyna ǵaıyptan paıda bolǵan bógde bireý qol ushyn sozady.
Kınotýyndyny túsirý barysynda tájirıbesi mol ınternaıonal top jumys istedi. Olar: «Jańǵaq tal» fılmi úshin HH Býsan kınofestıvaliniń «New Currents» baǵdarlamasynda úzdik atanyp, bas júldeni ıemdengen rejısser Erlan Nurmuhambetov (Qazaqstan), fılmniń sorejısseri Lıza Takeba (Japonııa), japondyq prodıýser Sıodzo Ishııama (Takeshı Kıtano, Jıa Jańke [Jia Zhangke], Hoý Shıao-Shıen [Hou Hsiao-hsien] syndy tanymal rejısserler túsirgen fılmderdiń prodıýseri), prodıýser Iýlııa Kım (Qazaqstan/Franııa), qoıýshy-operatory Berlın kınofestıvalinde «Aslannyń sabaqtary» fılmi úshin «Kúmis Aıý» júldesimen marapattalǵan Ázız Jambakıev (Qazaqstan).
Fılmde basty rólderdi Kann kınofestıvalinde úzdik aktrısa atanǵan Samal Eslıamova (Qazaqstan), tanymal qazaqstandyq akter Dýlyǵa Aqmolda jáne japondyq akter Mıraı Morııama somdady. Ákesin joǵaltqan balanyń rólin Mádı Mınaıdarov esimdi jas akter oınady.
Esterińizge sala keteıik, fılmniń álemdik tusaýkeseri byltyr, Azııadaǵy eń iri kınofestıvaldiń biri – halyqaralyq Býsan kınofestıvalinde boldy. Nurmuhambetovtyń kartınasy festıvaldiń ashylý jáne jabylý saltanaty ótetin, syıymdylyǵy bes myń adamdyq Ońtústik Koreıanyń eń úlken ekrany – Busan Cinema Center ortalyǵynda festıvaldi ashqan.
«Barymtashylar. Ýaqyt joldary» fılmi 2020 jyldyń 18 qańtarynan bastap Japonııada prokatqa shyqty. Fılmniń Japonııadaǵy tusaýkeseri byltyr Tokıodaǵy halyqaralyq kınofestıvalde ótken bolatyn.
Halyqaralyq Gıoteborg festıvali 40 jyldan beri ótkiziletin qazirgi tańda Skandınavııalyq memleketterdiń eń iri kınofestıvali jáne jyl saıyn ótetin skandınavııalyq kınoındýstrııanyń mańyzdy oqıǵasy. Jyl saıyn shamamen 160 000 qonaq tartatyn bıylǵy kınofestıvalde álemniń 80 memleketinen 450 fılm kórsetiledi.
