Kitap belgili kınotanýshy, kórnekti ǵalym, professor, Qazaqstandaǵy kásibı kınotanýdyń negizin qalaýshy, Qazaqstannyń eńbek sińirgen qaıratkeri, «Qurmet» ordeniniń ıegeri, ulaǵatty ustaz Baýyrjan Ramazanuly Nógerbektiń ómiri men shyǵarmashylyǵyna arnalǵan.
Jınaqta Baýyrjan Nógerbektiń qazaq kıno óneri, onyń qalyptasý jáne damý tarıhy, ulttyq kıno óndirisiniń erekshelikteri týraly ár jyldary baspasóz betinde basylǵan maqalalary men suhbattary, muraǵat qujattary men fotosýretteri jınaqtalǵan. Sondaı-aq ulttyq kınonyń týyn kótergen kórnekti ǵalym, kınotanýshy, ótkir oıly synshynyń ómiri men shyǵarmashylyǵy, azamattyq ajary men qaıratkerlik kelbeti týraly áriptesteri men shákirtteriniń, dos-jarandary men týǵan-týystarynyń estelikteri berilgen. Kitap Almaty qalasyndaǵy Qazaq ýnıversıteti baspasynan shyǵyp otyr. Qurastyrýshylary – Baýyrjan Ramazanuly Nógerbektiń jary, belgili teatrtanýshy Gúljahan Bekhojına jáne uly, belgili kınotanýshy, Phd doktory, T. Júrgenov atyndaǵy Qazaq ulttyq óner akademııasynyń «Kıno tarıhy men teorııasy» kafedrasynyń doenti Baýbek Nógerbek.
Ótetin kúni: 29 sáýir, 2021 jyl
Ótetin orny: QR Ulttyq akademııalyq kitaphanasy
Bastalýy: 11.00
Meken-jaıy: Nur-Sultan qalasy, Dostyq kóshesi, 11
F:LIVE Tikeleı efır FACEBOOK: https://www.facebook.com/www.nabrk.kz ZOOM: 8805768725
Baılanys telefondary: + 7 701 508 0843; + 7 702 487 8400
Baýyrjan Ramazanuly Nógerbek – búkil sanaly ǵumyryn qazaq kınosynyń ózekti máselelerin zertteýge arnaǵan kórnekti ǵalym. Qazaq anımaııalyq, kórkemsýretti kınosyna arnalǵan ǵylymı eńbekteri men otandyq kıno óneriniń damýyna úles qosqany úshin Qazaqstannyń Lenın komsomoly syılyǵymen (1978), KSRO kınematografısteri odaǵynyń syılyǵymen (1985), «Qulager» ulttyq kıneatografııalyq syılyǵymen (2008) marapattalǵan.
«Ocherkı ıstorıı kazahskogo kıno» («Qazaq kınosy tarıhynyń jylnamasy», avtorlar ujymy. Almaty: «Ǵylym», 1980), «Kogda ojıvaıýt skazkı: mýltıplıkaıonnoe kıno Kazahstana» («Ertegige jan bitkende: Qazaqstannyń mýltıplıkaııalyq kınosy». Almaty: «Óner», 1984, monografııa), KASACH FILM (GDR, Berlın, 1985), Cinema Kazakho – Kazakh Cinema (Italııa, 2002); «Kıno Kazahstana» («Qazaqstan kınosy». Almaty: Ulttyq prodıýserlik ortalyq, 1998), «Qazaq kınosynyń tarıhy» (qazaq tilindegi oqýlyq, G.Q. Naýryzbekova jáne N.R. Muqyshevamen birlesip jazǵan, Almaty, 2005), «Na ekrane «Kazahfılm» («Ekranda «Qazaqfılm», Almaty: «RUAN», 2007), «Ekranno-folklornye tradııı v kazahskom ıgrovom kıno» («Qazaq kórkemsýretti kınosyndaǵy ekrandyq-folklorlyq dástúrler». Almaty: «RUAN», 2008), DD atty kitaptardyń avtory. Sondaı-aq, qazaq, orys, aǵylshyn, nemis, koreı, golland, serb-horvat, ıtalııan tilderinde jaryq kórgen 250-den astam maqala, reenzııa men esseniń avtory.
