Jeti jyl boıy BAIQONYR otandyq kınematograftyń jańa esimderin ashyp qana qoımaı, sonymen qatar Qazaqstannyń talantty jastaryn halyqaralyq deńgeıde ilgeriletýge de turaqty qoldaý kórsetip keledi.
Bıyl festıval Almaty qalasynda 7-11 qyrkúıek aralyǵynda ótedi jáne tórt baǵdarlamadan turady:
* Negizgi konkýrs (kórkem jáne derekti halyqaralyq qysqametrajdy kıno);
* Ulttyq baıqaý (kórkem jáne derekti qysqametrajdy kıno);
* Mýzykalyq beıne baıqaýy (klıpmeıkerler úshin);
* Anımaııalyq baıqaý.
Negizgi baıqaýǵa jáne mýzykalyq beıne baıqaýyna qatysýshylardy tirkeý 2022 jyldyń 1 shildesine deıin jalǵasady.
Ulttyq jáne anımaııalyq baıqaýlarǵa qatysqysy keletinderdiń sońǵy merzimi - 2022 jyldyń 1 tamyzy.
Festıval uıymdastyrýshylary negizgi baıqaýǵa 2021-2022 jyldary TMD jáne Grýzııa kınematografısteri túsirgen, uzaqtyǵy 30 mınýtqa deıin jáne kınoteatrda kórsetýge tehnıkalyq jaramdy qysqa metrajdy kórkem jáne derekti fılmder qabyldanatynyn atap ótti.
Ulttyq konkýrsqa qazaqstandyq kınematografıster 2021-2022 jyldary túsirgen, uzaqtyǵy 30 mınýtqa deıin jáne kınoteatrda kórsetýge tehnıkalyq jaramdy qysqametrajdy kórkem, derekti fılmder qabyldanady.
Mýzykalyq beıne baıqaýyna qatysýǵa 2021-2022 jyldary TMD elderiniń kınematografısteri túsirgen kınoteatrda kórsetýge tehnıkalyq jaramdy beıneklıpter qabyldanady.
Anımaııalyq baıqaýǵa qatysýǵa 2021-2022 jyldary qazaqstandyq kınematografıster túsirgen, uzaqtyǵy 30 mınýtqa deıin jáne kınoteatrda kórsetýge tehnıkalyq jaramdy qysqametrajdy oıyn fılmderi qabyldanady.
Qatysýǵa ótinim berý úshin festıvaldiń resmı saıtynda elektrondyq formany toltyrý qajet https://baiqonyr.kz.
Festıval TMD-ǵa qatysýshy memleketterdiń Memleketaralyq gýmanıtarlyq yntymaqtastyq qorynyń qoldaýymen ótedi. Festıvaldiń aqparattyq seriktesteri «Habar» Agenttigi, Baribar.kz saıty jáne Oner.kz ınternet-portaly. Festıvaldiń uıymdastyrýshysy dástúrli túrde elimizdiń jetekshi kınoportaly – «Brodveı».
