Жеті жыл бойы BAIQONYR отандық кинематографтың жаңа есімдерін ашып қана қоймай, сонымен қатар Қазақстанның талантты жастарын халықаралық деңгейде ілгерілетуге де тұрақты қолдау көрсетіп келеді.
Биыл фестиваль Алматы қаласында 7-11 қыркүйек аралығында өтеді және төрт бағдарламадан тұрады:
* Негізгі конкурс (көркем және деректі халықаралық қысқаметражды кино);
* Ұлттық байқау (көркем және деректі қысқаметражды кино);
* Музыкалық бейне байқауы (клипмейкерлер үшін);
* Анимациялық байқау.
Негізгі байқауға және музыкалық бейне байқауына қатысушыларды тіркеу 2022 жылдың 1 шілдесіне дейін жалғасады.
Ұлттық және анимациялық байқауларға қатысқысы келетіндердің соңғы мерзімі - 2022 жылдың 1 тамызы.
Фестиваль ұйымдастырушылары негізгі байқауға 2021-2022 жылдары ТМД және Грузия кинематографистері түсірген, ұзақтығы 30 минутқа дейін және кинотеатрда көрсетуге техникалық жарамды қысқа метражды көркем және деректі фильмдер қабылданатынын атап өтті.
Ұлттық конкурсқа қазақстандық кинематографистер 2021-2022 жылдары түсірген, ұзақтығы 30 минутқа дейін және кинотеатрда көрсетуге техникалық жарамды қысқаметражды көркем, деректі фильмдер қабылданады.
Музыкалық бейне байқауына қатысуға 2021-2022 жылдары ТМД елдерінің кинематографистері түсірген кинотеатрда көрсетуге техникалық жарамды бейнеклиптер қабылданады.
Анимациялық байқауға қатысуға 2021-2022 жылдары қазақстандық кинематографистер түсірген, ұзақтығы 30 минутқа дейін және кинотеатрда көрсетуге техникалық жарамды қысқаметражды ойын фильмдері қабылданады.
Қатысуға өтінім беру үшін фестивальдің ресми сайтында электрондық форманы толтыру қажет https://baiqonyr.kz.
Фестиваль ТМД-ға қатысушы мемлекеттердің Мемлекетаралық гуманитарлық ынтымақтастық қорының қолдауымен өтеді. Фестивальдің ақпараттық серіктестері «Хабар» Агенттігі, Baribar.kz сайты және Oner.kz интернет-порталы. Фестивальдің ұйымдастырушысы дәстүрлі түрде еліміздің жетекші кинопорталы – «Бродвей».
