Gúlim Kópbaıqyzy
Almaty Memlekettik qýyrshaq teatry
"Damý jáne kórermenmen baılanys bólimi" meńgerýshisi
Búgingi tańda 80 jyldan astam tarıhy bar ónerdiń qara
shańyraǵy Almaty
Memlekettik qýyrshaq teatry 2017 jyldyń 5
qazan kúni saǵat 16.30-da saltanatty túrde kezekti 83-maýsymyn ashady. Atalmysh
mereke teatr artısteriniń qatysýymen teatr fasadyndaǵy aqyn, dramatýrg Iran-Ǵaıyptyń
«Bóshke» dramasynyń negizinde rejısser R.Janyamanov sahnalaǵan kórinispen bastaý
alady.
Sondaı-aq, saǵat 17.00-de Evgenıı Ionovtyń «Ana júregi» spektakliniń premerasy kórermen nazaryna usynylady. Qoıýshy rejısseri – Anton Zaıev. Qoıýshy sýretshisi – Sergeı Melev. Sahnalyq bıin qoıǵan – Gúljan
Dáýletqulova. Atalmysh qoıylym arqyly rejısser A.Zaıev qýyrshaq teatry sahnasyna jańa lep ákeldi. Pesanyń mazmuny aýyr
bolǵanymen, beretin tárbıesi mol. Kez kelgen jastaǵy kórermenniń kóńilin oıatyp,
júregine ıman uıalatpaq. Anadan týǵan jalǵyz ul joqshylyqty mise tutpaı, ar kórip,
anasyna qarsy shyǵady. Tas qalanyń tas júrek jastaryna qosylǵan jetesiz ul, ulym
dep eńiregen ananyń kózjasy qoıylymnyń basty ıdeıasyn ashyp kórsetpek. Balasynyń
týǵan kúnine qolynda qalǵan jalǵyz janyp turǵan balaýyz shyraqty syıǵa tartpaq bolǵan
ana júregi sol shyraqpen birge sónedi. Rejısser Anton Zaıev osy bir shynaıy
ómirdi qýyrshaq sahnasynda qýyrshaq tilinde sóıletpek.
Ana
beınesinde – aktrısa Tolqyn Tleýlıeva,
qýyrshaq bala – akter Rúslan Abý jáne
kópshilik sahnada teatr artısteri óner kórsetedi.
82-maýsym jetistikteri:
Almaty Memlekettik
qýyrshaq teatry búgingi tańda ár baǵytta, ár janrda jumys jasap keledi. Bıylǵy
jyl teatr úshin erekshe shyǵarmashylyqqa toly jyldyń biri boldy. Óner ordasy kezekti
eńbek demalysynda 82-shi maýsymyn jappastan úzdiksiz jumys atqaryp, óz
kórermenderin kúndelikti qoıylymdarymen qaýyshtyrdy. Maýsym barysynda 4
memleketke joldama alyp, tómende kórsetilgen halyqaralyq teatr festıvalderine
qatysty:
· 25-29 mamyr aralyǵynda Bishkek qalasynda (Qyrǵyzstan)
ótken dramatýrg, rejısser qýyrshaq teatrlarynyń negizin salýshy Vıktor
Aleksandrovıch Shvembergerdiń 125-jyldyǵyna oraı II Halyqaralyq «Tak-teke» qýyrshaq
teatry festıvalinde rejısser Qýbanychbek Adılov sahnalaǵan A.P.Chehovtyń
«Kashtanka» qoıylymymen qatysyp, «Klassıkalyq
shyǵarmany qýyrshaq janrynda kórsetkeni úshin» jáne «Eń úzdik rejıssýra» nomınaııasyn ıelendi;
· 28 mamyr Moldavııa eli, Kıshınev qalasynda ótken
«Pod shapkoı Gýgýe» Halyqaralyq qýyrshaq
teatrlary festıvaline rejısser, Qazaqstannyń eńbek sińirgen artısi
Q.Eshmuratova sahnalaǵan «Qańbaq shal» qoıylymyn 25 memleketten kelgen óner
ókilderine kórsetip, «Ulttyq dástúrdi
nasıhattaǵany úshin» jáne teatr dırektory Esenalıev Talǵat «Úzdik menedjer» dıplomymen
marapattaldy;
· Maýsym aıynda Tatarstan qalasyndaǵy ótken HIII túrki halyqtarynyń «Naýryz»
festıvaline dramatýrg Álibek Faızýllaulynyń «Altyn adam» (rej.: Iý.Ýtkın) epıkalyq
spektaklimen qatysyp, arnaıy dıplommen marapattaldy;
· 28 shilde men 7 tamyz aralyǵynda Ankara qalasynda (Túrkııa) ótken Halyqaralyq teatr festıvaline «Qýyrshaq
dýman» (rej.: Q.Eshmuratova) qoıylymymen qatysyp, Qazaqstan Respýblıkasynyń
Túrkııa Respýblıkasyndaǵy elshisiniń atynan «Qazaqstan men Túrkııa arasyndaǵy
dıplomatııalyq qarym-qatynastardyń 25 jyldyǵy aıasynda Túrkııa Respýblıkasynda
qazaq mádenıeti men ónerin tanytýǵa qosqan úlesi úshin» atty arnaıy alǵys hatpen
marapattaldy.
Festıvalder barysynda teatr ujymy
festıval qatysýshylarymen jan-jaqty tájirıbe almasyp, búgingi kúnde balalar
taqyrybynda jazylǵan pesalardy talqylap, kásibı teatr mamandary uıymdastyrǵan
sheberlik-saǵattaryna qatysty.
Sonymen
qatar, elordamyz Astana qalasynda ótken «EXPO-2017»
mamandandyrylǵan Halyqaralyq kórmesin ilgeriletý maqsatynda Almaty
qalasy mádenıet jáne arhıvter basqarmasynyń qoldaýymen Almaty Memlekettik
qýyrshaq teatry maýsym aıynyń 12-16 juldyzy aralyǵynda astanalyq kishkentaı kórermenderge teatr
repertýaryndaǵy M.Polıvanovanyń «Kóńildi qonjyqtar» (rej.: V.Berkın, G.Ilııasova), J.Omarovtyń «Qulynshaq pen bóltirik» (rej.:
R.Janyamanov) qııal ǵajaıyp ertegisin tartý etti. Qoıylymdar qazaq jáne
orys tilinde júrdi.
2017 jyldyń 2-8 qyrkúıek aralyǵynda Astana
qalasynda ótken Qaırat Súgirbekov atyndaǵy I Respýblıkalyq jas rejısserlerdiń
forým-festıvaline rejısser Rústem Janyamanov sahnalaǵan J.Omarvtyń «Qulynshaq pen Bóltirik» ertegisimen
qatysyp, teatr ujymy arnaıy dıplommen marapattaldy.
«Rýhanı jańǵyrý» baǵdarlamasy aıasynda teatr ujymy sáýir
aıynyń 9-13 kúnderi aralyǵynda Taldyqorǵan qalasynda, qyrkúıek aıynyń 11-13
kúnderi aralyǵynda Kókshetaý, 14-17 kúnderi aralyǵynda Astana qalasynda óziniń
kezekti gastroldik saparyn ótkizedi.
83-maýsym jospary:
Qazan aıynyń 20-24 aralyǵynda Túrkııa elinde ótetin
III Halyqaralyq teatr festıvaline «Arystannyń úreıin qalaı emdeý kerek?» (avt.:
M.Dlgecheva, rej.: E.Toteva-Andotova) jáne «Qýyrshaq dýman» (avt. jáne rej.:
S.Shúkirov, Q.Eshmuratova) qoıylymdarymen qatysýdy josparlap otyr.
Jańa maýsymda teatr ujymy rejısser R.Otarbaevtyń «Saǵynysh shóbi», E.Jýasbektiń «Toba» qoıylymdaryn, B.Joraevtyń «Batyr
men Alabaı», «Qoja men sport», I.Saparbaıdyń «Syǵan serenadasy», A.Gofmannyń «elkýnchık» atty týyndylaryn kishkentaı
kórermenderge sahnalap, tartý etpek.
Atalmysh óner ujymynyń qashan da izdenis ústinde ekendigin teatrdyń búgingi tynysynan
baıqaımyz. Sahnalanǵan jańa qoıylymdardy arnaıy teatr synshylarynyń
saraptamasynan ótkizýdi áste daǵdyǵa aınaldyrǵan.
