Gúlim Kópbaıqyzy
Qýyrshaq teatry, "Damý jáne kórermendermen baılanys" bóliminiń meńgerýshisi
Qýyrshaq teatry sahnasynyń patshaıymyna aınalyp, 70-shi beketine kelse de, boıyndaǵy qýaty men shabyty sarqylmaǵan aktrısa Sábıla Meńdiǵalıqyzynyń sahnada júrgenine 50 jyl!
Sábıla Abýeva 1947 jyly tamyz aıynyń 9 juldyzynda Atyraý oblysynda dúnıege kelgen. Alǵashqy eńbek jolyn 1967 jyly Mahambet Ótemisuly atyndaǵy qazaq drama teatrynda bastap, teatr sahnasynda úlkendi-kishili rólderdi oınady. 1969 jyldan Memlekettik qýyrshaq teatrynda óziniń óner jolyn asqan belsendilikpen bastaǵan daryn ıesi búginde ózindik sara jolyn qalyptastyrǵan sheber tulǵalardyń biri. Jarty ǵasyr kıeli sahnada úzdiksiz eńbek etken teatr ardageri balalarǵa arnalǵan 300-den astam ár túrli janrdaǵy rólderdi somdap keledi. Aktrısanyń árbir keıipkeri kásibıligimen, shynaıylyǵymen erekshelenip, teatr repertýaryndaǵy spektaklderdi kórkeıtýde súbeli úles qosýda. Búginde óziniń izin basyp kele jatqan jastar úshin ónerdegi ustazy atanyp ta úlgerdi. Sahnadaǵy 50 jyldyq eńbek jolynda qýyrshaq teatrynyń beldi rejısserleri Qazaqstannyń eńbek sińirgen artısi P.I.Potoroka, QazSSR Halyq artısi Á.Mámbetov, Qazaqstannyń eńbek sińirgen artısi Q.H.Eshmuratova, Qazaqstannyń Halyq artısi S.Shúkirov, QR Mádenıet qaıratkeri S.Maqulbekov, t.b. óner ıelerimen zamandas bola júrip, ómirlik sahnalyq mektepten ótti.
Kóptegen Halyqaralyq, respýblıkalyq festıvalderdiń laýreaty. Ulttyq qýyrshaq teatr ónerin damytý jolyndaǵy tolassyz eńbegi úshin qurmet gramotasy, ár túrli alǵys hattarmen marapattalyp keledi. Osy jyldar ishinde elimizdiń barlyq oblystarynda, sondaı-aq, Vetnam, Kompýchııa, Ózbekstannyń Tashkent, Buqara, Samarqand, Túrkmenstannyń Hıýa, Navoı, Qytaıdyń Pekın, Gandjoý, Túrkııanyń Býrsa, Izmır, Reseıdiń Máskeý, Kýrgan, Qyrǵyzstannyń Osh, Bishkek, Japonııanyń Iıda t.b. qalalarynda ótken Halyqaralyq qýyrshaq festıvalderine qatysyp, qazaq ónerine ólsheýsiz úlesin qosyp keledi. Kóptegen qýyrshaq festıvalderinde qazylar alqasynyń turaqty múshesi.
S.Abýeva ózin tek teatr salasynda ǵana emes, ekran óneriniń damýyna da úles qosýda. Máselen, rejısser B.Sharipovtyń «Kináratsyz kúná», G.Omarovanyń «Baqsy», N.Igiliktiń «Janyńda júr jaqsy adam», S.Qurmanbekovtyń «Aýyl saqshysy», R.Qosaıdyń «Keńesshiler», A.Sataevtyń «Anaǵa aparar jol», N.Adambaevtyń «Kelınka Sabına - 2», G.Abýevanyń «Ińkár júrek», E.Ábdijapparovtyń «Arman qala» fılmderinde tústi.
Sahnadaǵy oınaǵan rólderi: «Muńlyq-Zarlyq» – báıbishe, mystan; «Chempıon Qoja» – áje, jalqaý; «Terisqaqpaı» – Tápá, «Jomartpen bolǵan oqıǵa» – Jomart, «Aqqý týraly ańyz» – mystan, aq qus; «Kerbaqbaı» – oqýshy; «Sábıranyń álegi» – kempir; «Orashalyq Orash» – Sabıra, Qarashash; «Zvezdochka» – Aı; «Teatr odnogo aktera» – eki dáý, ata, ana, túlki; «Zavetnoe slovo» – Babka, báıbishe, jeztyrnaq; «Tarqamaıdy toıymyz» – shyǵys qyzy, prıbalty, armıane, Maıkl Djekson, Alla Pýgacheva; «Solnechnyı lýchık» – mysyq, «Aıstenok ı pýgalo» – Lısa, «Kúnshe» – mystan, «Balapan» – kúshik, «Úırek» – túlki, «Aldar kóse» – shaıtan; «Rys po ımenı Rys» – baqa, «Kıeli alma» – Ibilis, «Maýglı» – ana qasqyr, «Gadkıı ýtenok» – aıst, balapan; «Qýyrshaq dýman» – akrobatka, Roza Baǵlanova, Maıkl Djekson, syǵan qyzy, shyǵys qyzy; «Úsh toraı» –Naf-Naf; «Alenkıı vetochek» – kıkımora; «Soldatskıı kotelok» – medbıke, «Bremenskıe mýzykanty» – mysyq; «Aqqý jibek» – aqqý; «Aladdıniń sıqyrly shamy» – ana; «Alı-Baba jáne onyń qyryq qaraqshysy» – Ahmed; «Atameken» – ana, jylan, maska; «Qańbaq shal» – áje, túlki, qyzyl dáý; «Býratıno» – tasbaqa jáne t.b.
83 jyldan astam tarıhy bar ónerdiń qara shańyraǵy Almaty Memlekettik QÝYRShAQ teatrynda aǵymdaǵy jyldyń 18 jeltoqsan kúni, saǵat 16:00-de Qazaqstannyń eńbek sińirgen artısi, aktrısa, teatrdyń ardageri Sábıla Abýevanyń mereıli benefısi ótedi.
