Qazaqstan Respýblıkasynyń Sýretshiler odaǵy XVIII sezi qarsańynda shyǵarmashylyq qyzmetin úlken kórmemen qorytyndylaıdy. Kórmede Qazaqstannyń ár túrli óńirlerindegi sýretshilerdiń shyǵarmashylyqtary usynylady: Shymkentten – Palymbetov E., Ilıaev S., Shılıbaev N., Tarazdan – Denısov N., Rahımjanov M., Hýsaınov B., Pavlodardan - Igembaev A., Shýranov O., Prıhodko V., Taldy-Qorǵannan – Ábdildaev M., Qaraǵandydan – Esirkeev M., Amanbaev M., Kıshkıs P. Kórmeniń edáýir bóligin almatylyq sýretshilerdiń týyndylary qamtıdy.
«Sýretshi ýaqyt aǵymynda» atty kórmeniń taqyryby óner sheberleriniń sıýjet, janrlar men túrlerin tańdaýda shekteý jasamaıdy. Tarıhı ótkenge jáne rýhanı qundylyqtarǵa kózqaras, ulttyq mádenı jadymyzdaǵy ıdeıalar men ustanymdardy saqtaý jáne basqa da kóptegen zamanaýı eń keń aýqymdy máselelerdiń toby Qazaqstan sýretshileriniń nazarynan tys qalǵan joq. Kórme plastıkalyq tásilderdiń alýandylyǵyn, avtorlyq stılıstıkalardyń aıqyndylyǵyn, beıneleý óneri baǵyttarynyń barlyq jaǵynan klassıkalyq dástúrlerge degen beıimdiligin kórsetedi.
Kórmede keskindeme, músin, grafıka, sándik-qoldanbaly óner týyndylary usynylǵan. Jańa shyǵarmalardy Qaırambaev Jumaqyn, Haırýllın Qadyrjan, Kametov Qadirbek, Jumanov Esimǵalı, Taınov Serik, Áljanov Serik sııaqty sýretshiler, grafık-sýretshiler Ordabekov Temirhan, Haırýllına Ásııa, Ermolenko Aleksandr, músinshiler Óskenbaı Malık, Qadirov Qurmanǵazy, Bralıev Hamıt sándik-qoldanbaly óner sheberleri Bekkulova Aıjan, Bóltirikova Sáýle, Muhamedjan Zeınelhan jáne basqalar jaryqqa shyǵarady.
Óner árqashanda sýretshi ómir súrgen jáne qyzmet etken ýaqytqa áser etedi. Shyǵarmashylyq artefaktilerdiń kórkemdik-beıneli tilinde sýretshi eńbek etken dáýirdiń qaıshylyqtary men yrǵaqtary kórinis tabady, arada kóptegen jyldar ótken soń, bul belgiler keler urpaqqa aldyńǵy jyldardyń maqsat-murattary men dabylyn, jetistikterin kórsetetin erekshe mánerge ıe bolady. Osydan, sýretshiniń ýaqyt pen bolashaq aldyndaǵy jaýapkershiligi erekshe deýge bolady. Kórme qarasha aıynyń 30-na deıin jalǵasady.
Mýkajanova Kýljazıra – kórmeniń kýratory.
