Indıra Bobro-Badambaeva – sýretshi, Qazaqstan sýretshiler odaǵynyń múshesi, «D'Almatıny» romanynyń birlesken avtory, keskindeme óneri boıynsha magıstr jáne oqytýshy.
Mýzeı kelýshilerine I.Badambaevanyń shyǵarmashylyǵy tańsyq emes, sebebi, sýretshi birneshe ret Almaty qalasynda, onyń ishinde QR Memlekettik ortalyq mýzeıinde óziniń jeke kórmelerin ótkizgen. Sońǵy eki jyl ishinde Indıra óziniń stýdııasyn ashyp, beıneleý óneri boıynsha jeke avtorlyq baǵdarlamasy aıasynda oqýshylardy kórkemdik sheberlikke tárbıelep, óziniń tájirıbesimen bólisti. Onyń oqytý baǵdarlamasy erekshe. «Nege?» deseńiz, praktıkalyq sabaqtar óner jaıly dáristermen utymdy úılesimin taýyp, oqýshylardyń óner áleminiń tuńǵıyǵyna enýine áser etedi. Oqytý barysynda shákirtterdiń keskindeme sheberlikterin shyńdaýǵa baǵyttalǵan plenerlerge qatysý, anatomııany oqytý, tústiń tereń mánin túsindirý boıynsha jumystar júrgiziledi. Qazirgi ýaqytta stýdııa sheberhanasynda negizinen sýretshi áıelder qaýymy jumys jasaıdy. Kórme qatysýshylary az ǵana ýaqytta tájirıbeli kásibı sýretshige aınaldy.
«Áıel jany neni qalaıdy?» atty kórmede Indıra Bobro-Badambaevanyń ǵarysh balerınalary serııasy, gúlder natıýrmorttary, ǵajaıyp áıelder portretteri syndy týyndylary qoıylady. Sonymen qatar, onyń shákirtteri Irına Popova, Tamara Lı, Nellı Kılıvnık, Natalıa Gýrına, Svetlana Troshına, Lıýdmıla Kan, Ásel Aıtqojınalardyń qala, taý, teńiz jáne aýyl peızajdary, gúl natıýrmorttary jáne gollandııalyq stıldegi natıýrmorttar, janrlyq kompozıııalar, tanymal sýretshilerdiń kóshirmeleri, maıly keskindeme jáne akvarel tehnıkasynda oryndalǵan 70-ten astam jumystary kelýshiler nazaryna usynylady.
Indıra óziniń sırek talanty men sheberligi arqyly kórermenniń boıyn bılep, ony úreılendirip, tolqytyp, tamsandyrady. Indıra Bobro-Badambaeva óziniń jeke kórmesin úsh márte ótkizdi. Sýretshiniń kartınalary Almaty qalasy, Qazaqstan, jaqyn jáne alys shet elderde jaryq kórgen jeke jınaqtarǵa engen. Osy jyly sýretshi birneshe perfomanstar men sheberlik sabaqtardy sátti ótkizdi.
Kórme 2017 jyldyń 15 maýsymyna deıin jalǵasady.
