Dárejan Ómirbaev
Kınorejısser, fotograf
Qarańǵy túnde taý qalǵyp,
Uıqyǵa keter balbyrap.
Dalany jym-jyrt, del-sal qyp,
Tún basady salbyrap.
Shań shyǵarmas jol daǵy,
Silkine almas japyraq.
Tynshyǵarsyń sen daǵy,
Sabyr qylsań azyraq. (62-bet)
Abaı Shubarǵa qatty qadalyp, tiksine qarady.
– O qalaı degeniń? Tákejanǵa barsa, kózi kórmeı otyr ma? Onyń ózimen daýly bop, bizdi ara aǵaıyn kórip, pana tilep kep otyrǵan joq pa?
– Tákejan sizge renjıdi ǵoı. Onyń arty taǵy beımazalyq, taǵy dert... Ózińizge aýyr ǵoı. Taǵy da óleń, óner, tynysh eńbek bári qalady ǵoı, sodan qorqam!
– Oı, óıtip, jurttyń kóz jasynan tyǵylyp týǵan óleń adyra qalsyn! O nesi!? – dep Shubarǵa Abaı yzalana qarady.
– Jyrtqyshtyq, qorqaýlyq, jaýyzdyq qııanatty kórgende senderdiń sezetiniń men aıtatynyń osy ma? Búıtip aqyn bolmaı-aq qoı! (II tom, 13-bet)
Bıyl qys jumsaq bastaldy da, arty tolassyz jaýǵan qarǵa ulasty. Ásirese jańa jyldyń aldyndaǵy úsh kún, úsh túnde bas kótertpeı jaýǵan qar, sol shash etekten jaýǵan qarǵa meldegen el men jer - uly tynyshtyqtyń qushaǵyna tunshyǵyp, máńgilikke boı sýytqandaı - jym-jyrt. Osyndaıda kisiniń boıyn boıkúıezdik bılep, es-aqyldan aıyrylyp, basyńdy tumshalap alyp uıyqtaı bergiń keledi. Dalaǵa shyqsań boldy, óz-ózińnen jıirkenip, úıińe qaıta kirýge asyǵar ediń. (127-bet)
Aıyǵyp kelem,
Aıyǵyp kelem bárinen.
Emdelip júrmin,
Jaqsylar bergen dárimen.
Men úshin ómir tarylǵan emes, áli keń.
Keńistikterge saparǵa shyǵam áli men.
Saýyǵyp kelem,
Jınap ta kelem esimdi.
Saǵynyp qaldym,
Salamat ómir keshýdi.
Taǵat tappastan,
Tartamyn alǵa kóshimdi,
Janyp bitpesten jazbaǵan maǵan óshýdi.
Qıyn ǵoı Qıyn...
Kóshińdi jolǵa doǵarǵan,
Jana almaı byqsyp, oshaqta otyn joǵalǵan,
Jaǵa almaı sónseń jalyn men otty,
Sol arman,
Jalyndap turyp,
Órtenip ketseń, joq arman! (427-bet)
...Mektepte meniń eń jaqsy kóretin sabaqtarymnyń bireýi sýret salý edi. Ókinishke oraı, bul pándi bizge eshkim ońdyrtyp oqytpady, keıde tipti úıge de jibere salatyn. Kim biledi, múmkin meniń mynaý búgingi túsirip júrgen fılmderim, sýretterim sol baıaǵy ótilmeı qalǵan saǵattardyń ornyn toltyrmaq bolǵanym shyǵar... (3-bet)
