Жаңалықтар

Ш.Айманов атындағы «Қазақфильм» киностудиясы «Мұзбалақ» атты толықметрлі көркем анимациялық фильмнің трейлерін жариялады. Бүркіт пен адамның достығы туралы баяндайтын бұл мультфильм ҚР Мәдениет және спорт министрлігінің тапсырысы бойынша түсірілген. Фильмді режиссер-аниматор – Тұрдыбек Майдан және Тілек Төлеуғазы жасап шыққан.

«Қазпошта» АҚ «Естелік және мерейтойлық даталар» сериясы бойынша «Қазақ анимациясына 50 жыл» тақырыбында пошталық марка шығарды. Пошта айналымына енгiзiлiп отырған бұл маркада қазақ мультипликациясының атасы атанған режиссер-аниматор Әмен Қайдров түсірген «Қарлығаштың құйрығы неге айыр?» мультфильмінің кадрлары бейнеленген.

Ә. Қастеев атындағы Қазақстан Республикасы Мемлекеттік өнер музейінің Орталық көрме залында муковисцидозбен ауыратын балаларға көмек ретінде бірінші аукциондық сауда-саттықтың «Періштелер уақыты» авторлық интерьерлік қуыршақтардың қайырымдылық аукционалды көрмесі өтіп жатыр.

2018 ж. 17 қаңтарда сағат 17.00-де Ә. Қастеев атындағы ҚР Мемлекеттік өнер музейінің Орталық көрме залында Алан Мұхитдинов пен Әлібек Қаратайдың «Екі әлем – екі тағдыр» атты көрмесі ашылды. Көрмеге екі суретшінің 100-ден астам туындысы қойылған.

<span lang="KZ">2017 жылы 27 желтоқсан күні сағат 16.00-де Ә.Қастеев атындағы ҚР Мемлекеттік өнер музейінде ҚР халық суретшісі Айша Ғалымбаеваның туғанына 100 жыл толуына арналған көрменің ашылуы және көркемсуретті альбомының таныстырылымы болды. </span><span lang="KZ">Көрмеге суретшінің Ә. Қастеев атындағы ҚР МӨМ қорынан, отбасылық және жеке коллекциядан алынған 80-нен астам кескіндемелік және графикалық жұмыстары қойыды. </span>Көрме 27 қаңтарға дейін өтеді.

2018 жылғы 12 қаңтарда сағат 16.00 де Ә. Қастеев атындағы ҚР Мемлекеттік өнер музейінде Аманкелді Кененбаевтың «СҰЛУ ТӨБЕ» атты жеке көрмесінің ашылуы өтеді. Көрмеге қылқалам шеберінің әр түрлі жылдардағы 67 шығармасы қойылады. Суретшінің туған жерінің құрметіне орай аталған көрме, қылқалам мен жонғыш шеберінің ойлары мен көзқарастары туралы баяндайды және өмір мен туған табиғаттың барлық бояуларын сіңіреді.

Бішкек қаласында өткен бесінші "Үміт" форумында қазақстандық үш фильм жүлдеге ие болды.

2017 жылдың 18-20 желтоқсан айы аралығында Бішкек қаласында бесінші "Үміт" – ТМД елдер киносының форумы өтеді.

Алматыдағы ҚР Ұлттық кітапханасында қазақтың ұлы биі, қоғам және мемлекет қайраткері Қазыбек бидің өмірі мен қоғамдық қызметі туралы деректі фильмнің тұсаукесер рәсімі өтті.

2017 ж. 21 желтоқсанда сағат 16.00-де Ә. Қастеев атындағы ҚР Мемлекеттік өнер музейінде ресейлік замануи суретші, график, кескіндемеші, иллюстратор Пётр Фроловтың шығармашылығымен таныстыратын «Шыркөбелек» көрмесінің ашылуы болады.