Жаңалықтар

Алматы Мемлекеттік қуыршақ театры көрнекті жазушы, қоғам және мемлекет қайраткері Шыңғыс Төреқұлұлы Айтматовтың 90 жылдық мерейтойына орай, ағымдағы жылдың ақпан айының 27-28, наурыз айының 1-2 күндері аралығында сағат 17:00-де «Құс жолы» повесінің желісі бойынша сахналанған «Ана - жер ана» трагедиясының премьерасын көрермен назарына ұсынбақ.

Республикалық әуесқой жас кинорежиссерлердың тың идеялары мен озық ойлары додасы V "КИНОАРТ - 2018" фестивалі 1-наурызда басталады.  

2018 жылы 1-наурыз сағат 19:00 де «Алатау» дәстүрлі өнер театрының концерт залында «Алатау» дәстүрлі өнер театрының өнерпазы Асылай Апенованың «Аққу» атты жеке шығармашылық концерті өтеді.

2018 жылдың 1 наурыз күні Ә.Қастеев атындағы ҚР Мемлекеттік өнер музейі Халықаралық әйелдер күні мен Наурыз мерекесінің құрметіне орай «Көктем сазы» атты Музыкалық вернисажға шақырады.

2018 жылдың 2 наурыз күні сағат 18.00 де Ә.Қастеев атындағы ҚР Мемлекеттік өнер музейінде «Ағын бойымен / ағынға қарсы. заманауи фотоинтервенциялар» көрмесінің ашылу салтанаты өтеді.

2018 жыл 23-27 ақпан аралығында П.И.Чайковский атындағы Алматы музыкалық колледжінің Е.Серкебаев атындағы Үлкен залында Қазақстан Республикасы Тұңғыш Президенті - Елбасы қорының қолдауымен «Piano Fest Almaty» II халықаралық конкурсы өтеді.

«Қазақфильм» киностудиясының Эксперттік кеңесі алдында «Томирис» фильмінің қорғалымы өтті. Фильмнің өндірісін ҚР Мәдениет және спорт министрлігінің тапсырысы бойынша Ш.Айманов атындағы «Қазақфильм» киностудиясы «Сатайфильм» кинокомпаниясының қатысуымен іске асырады. Түсіру тобы қорғалым барысында дайындық кезеңінде атқарған жұмыстары туралы айтып беріп, өтпелі кезең түсірілімдері, тігілген костюмдер, дайындалған реквизиттер және түсірілім алаңдары туралы баяндап берді. Наурыз айында фильмнің негізгі түсіру жұмыстары басталады.

2018 жылдың 22 ақпанында сағат 17:00 Қазақстан жазушылар Одағының (Алматы қ., Абылай хан даңғылы, 105) Конференц-залында ақын, кинорежиссер, Қазақстан Республикасының Еңбек сіңірген қайраткері Бақыт Қайырбековтың "Очарованный странник" атты шығармашылық кеші өтеді.

Түркияда өткен ALEMLERE RAHMET Халықаралық кинофестивалінде Рақымжан Қалдыкөздің "Шыңырау" фильмі жүлдеге ие болды.

2018 жыл 23-ақпан сағат 15.00-де Талдықорған қаласы Өнер мұражайында Алматы облысы әкімдігінің және Талдықорған өнер галерясының ұйымдастырумен Қазақстан суретшілер одағының мүшесі, суретші Шаттық Батанұлының жеке шығармашылық көрмесі өтеді.