Baıqaý maqsaty – ınternet júıesindegi úzdik qazaqtildi resýrstardy anyqtaý men nasıhattaý jáne ınternet resýrstardyń sany men sapasyn jaqsartýǵa úles qosyp júrgen otandyq qazaqtildi saıttardy qoldaý.
Marapattaý rásimine QR Aqparat jáne kommýnıkaııalar mınıstrliginiń, mádenıet qaıratkerleri jáne belgili jýrnalıster qatysty.
Óz quttyqtaý sózinde QR Tuńǵysh Prezıdenti – Elbasy Qory atqarýshy dırektorynyń keńesshisi Álııa Qaısharova «Baıqaýǵa qatysqan qazaq saıttarynyń sany jyldan jylǵa kóbeıip keledi. Bıyldyń ózinde respýblıkanyń túrli aımaqtarynan 30-ǵa jýyq ótinimder jiberildi. Al úsh jyldyń ishinde baıqaýǵa 100-den astam ótinim tústi. 17 qazaqtildi ınternet saıt laýreat jáne aqshalaı syılyqqa ıe boldy», - dedi.
Baıqaýǵa ǵalamtor keńistigindegi tájirıbesi keminde bir jyldy quraıtyn, memlekettik tilde aqparat taratatyn úkimettik emes, táýelsiz qoǵamdyq saıttar qatysty. Qazylar alqasy saıttardy mazmuny, qyzmet baǵyty, ınteraktıvtiligi, qazaq tili men ulttyq qundylyqtardyń dáriptelýi, patrıottyq taqyryptardyń úzdiksiz kóterilýi, kórkemdik jaǵy, ıdeıa ereksheligi, tartymdylyǵy sekildi talaptar boıynsha saralady.
Jeńimpazdar 8 nomınaııa boıynsha anyqtaldy.
«Ótkir til» atalymy boıynsha úzdik ınternet-saıt www.silteme.kz, «Rýhanı azyq» atalymy boıynsha www.salseri.kz, «Shynaıy ómir» atalymy boıynsha www.qazir.kz, «Sport tynysy» atalymy boıynsha www.argymaq.kz, «Bilim bulaǵy» atalymy boıynsha www.erýdıt.kz, «Jastar álemi» atalymy boıynsha www.univerlife.kz, «Aımaq aınasy» atalymy boıynsha www.mediaon.kz, «Balalarǵa bazarlyq» atalymy boıynsha www.dapter.kz portaly jeńimpaz atandy.
Baıqaý jeńimpazdary QR Tuńǵysh Prezıdenti - Elbasy Qorynyń dıplomdary men aqshalaı syılyǵyna ıe boldy.
