Qazaqstan Respýblıkasynyń Tuńǵysh Prezıdenti – Elbasy qorynyń qoldaýymen Qazaqstanda "Mobile Blockbuster film festival" (MBff) qysqametrli fılmderdiń alǵashqy festıval-baıqaýy bastalady. Jobanyń ereksheligi – baıqaýǵa qatysatyn barlyq fılmder planshet nemese telefon kamerasyna túsirilýi qajet.
Joba arqyly festıval uıymdastyrýshylary – senarıst jáne rejısser Dmıtrıı Baınazarov bastaǵan MBff Production toby karantın kezeńinde shyǵarmashylyq qaıratkerlerge qoldaý kórsetip, olardyń shyǵarmashylyq energııasy men darynyn jańa baǵytqa burýǵa sheshim qabyldady.
- Mobıldi fılmderdiń kınoındýstrııaǵa jańa format retinde engenine 10 jyldan astam ýaqyt boldy. Alaıda, bizdiń elde jáne búkil TMD elderinde ónerdiń bul túrine qyzyǵýshylyq endi ǵana artyp kele jatyr. Zamanaýı gadjetterdiń qosymsha jabdyqtarsyz jáne shyǵynsyz joǵary sapaly foto nemese vıdeo túsirý múmkindigi bar. Mundaı tehnologııalar talantty rejısserler men operatorlarǵa óz ıdeıalaryn júzege asyrýǵa, eksperıment júrgizýge, jańa vızýal sheshimderdi izdeýge, sol arqyly sandyq tehnologııalarmen bir baǵytta qozǵalýǵa múmkindik beredi. Osy oraıda, Adam potenııalyn damytýdy maqsat tutatyn Tuńǵysh Prezıdent Qory mobıldi kıno formatyndaǵy otandyq kıno óndirisindegi jańa esimderdi qoldaýǵa daıyn, – dedi Qordyń Almatydaǵy ókildiginiń dırektory Sergeı Tohtarov.
Birinshi Mobile Blockbuster film festival baıqaýynyń taqyryby – "betperdeler". Betperde sózi keń maǵynasynda – medıınalyq, teatrlyq, áleýmettik jáne t.b. bolýy múmkin, ıaǵnı adamnyń kúndelikti ómirde kıetin "betperdeleri".
Baıqaýǵa qatysý úshin fılmdi tek smartfonǵa nemese planshetke túsirýge bolady. Fılmderdiń jalpy uzaqtyǵynyń 10%-yn dronmen nemese ekshn-kameralarmen túsirýge bolady. Shamdar, krandar, arbalar, dybys jazǵysh jáne t.b. osyndaı kez-kelgen óndiristik jabdyqtarǵa ruqsat etiledi.
Beıne faıldardyń júkteý júıesindegi siltemesin jáne arnaıy formada toltyrylǵan ótinimdi festıvaldiń MBfilmfest.kz@gmail.com elektrondyq poshtasyna jiberý kerek. Baıqaýǵa qatysatyn fılmniń mınımal uzaqtyǵy – 1 mınýt, al maksımal uzaqtyǵy – 12 mınýt.
Júldeler myna kategorııalar boıynsha taǵaıyndalady:
- L – Large (3-ten 12 mınýtqa deıin);
- S – Small (1-den 3 mınýtqa deıin);
- XS – eXtra Small (1 mınýtqa deıingi fılm);
- MC – Musical Clip (mýzykalyq vıdeo);
- PC – People’s Choice (kóremen kózaıymy syılyǵy).
Qatysýshylardy tirkeý jáne jumystardy qabyldaý 2020 jyldyń 12 sáýirinen 15 mamyryna (qosa alǵanda) deıin júrgiziledi. MBff jeńimpazdary 2020 jyldyń 17 mamyrynda onlaın formatta anyqtalady.
Baıqaýdyń qazylar alqasy quramy:
- Rashıd Súleımenov, rejısser – qazylar alqasynyń tóraǵasy;
- Erden Telemisov, akter, kaskader;
- Dmıtrıı Kırıenko, Chaplin Cinemas kınoteatrlar jelisiniń dırektory;
- Artýr Mıheev, rejısser, Máskeý qalasy.
Baıqaýdyń tolyq sharttary fpp.kz saıtynda «Baıqaýlar» bóliminde jáne mbfilmfest.com saıtynda jarııalanǵan.
Derekkóz: Qazaqstan Respýblıkasynyń Tuńǵysh Prezıdenti – Elbasy qory
