T. Júrgenov atyndaǵy Qazaq Ulttyq óner akademııasynyń «Ónertaný» fakýlteti, «Kıno tarıhy men teorııasy» kafedrasynyń uıymdastyrýymen "Kınotaný" mamandyǵynyń 1-3 kýrs stýdentteri arasynda "Zamanaýı qazaq kıno óneri jáne rýhanı jańǵyrý ıdeıasy" taqyrybynda ǵylymı maqalalar baıqaýy ótti. Baıqaýdyń baǵalaý komıssııasynda PhD, SDÝ qaýymdastyrylǵan professory Moldııar Ergebekov; PhD, aǵa oqytýshy Alma Aıdar; ónertaný magıstri, oqytýshy Álimaqyn Janbolat; doktorant, oqytýshy Dana Ámirbekova; doktorant, oqytýshy Aıda Mashýrova; oqytýshy Gúlim Kópbaeva; doktorant, M.Áýezov atyndaǵy OQMÝ oqytýshysy Erjan Jumabekov; «Brodveı» kásibı kınoportalynyń bas redaktory jáne redaktory Mamaeva Aıdana men Kegenbaeva Madına boldy. Sonymen qatar kınotaný mamandyǵynyń 4-kýrs stýdentterinen qurylǵan táýelsiz baǵalaý komıssııasy óz tańdaýyn jasady.
Baǵalaý qorytyndysy boıynsha 1-oryndy «Qazirgi qazaq kınosyndaǵy jaǵymsyz keıipker» maqalasymen 1-kýrstyń stýdenti Tabıǵat Sembaev ıelendi.
«Debıýt» fılminderindegi taqyryptyq izdenister (2015-2017)» maqalasyn jazǵan Uldana Myrzaqul men «Otandyq kınematografııadaǵy patrıotızm» maqalasynyń avtory Ádemi Qapar ekinshi orynnan kórindi.
3-oryndy ıelengenderdiń qatarynda «Balapan arnasyndaǵy mýltyfılmderdiń kórkemdik erekshelikteri» maqalasymen Altynaı Taıjanqulova, «eleobraznost perevoda ınostrannyh kartın na gosýdarstvennyı ıazyk» maqalasymen Jaqparov Qýanyshbek jáne «Otandyq fılmderdiń, teleserıaldardyń telearnalarda nasıhattalýy» týraly jazǵan Qaıyrjan Sarmantaev boldy.
Brodveı tańdaýyna «Nurtas Adambaı komedııalaryndaǵy áleýmettik másele» maqalasymen 2-kýrstyń stýdenti Maqpal Baqyt ilindi.
Táýelsiz baǵalaý komıssııasy 1-kýrstyń stýdenti Aıqyn Ákimjanǵa «Qazaq kınosyndaǵy sýbmádenıet» maqalasy úshin óz júldelerin tapsyrdy.
Baıqaýǵa qatysqan barsha stýdentterdiń maqalalaryn aldaǵy ýaqytta portalymyzdan kezegimen jarııalaıtyn bolamyz.
