Ortalyq Azııa elderiniń mádenı menedjmentte aıtarlyqtaı tájirıbesi bar, alaıda bul elderdiń kórshileri aımaqtyń mádenı jobalary týraly kóp bilmeıdi; mádenı sala ókilderin biriktiretin biryńǵaı transaımaqtyq platforma joq. Ortalyq Azııa art-menedjerlerin biriktirý máselelerdiń bir bóligin sheshýge múmkindik beredi. Búgingi tańda osy aımaqtaǵymádenıet jáne óner salasynyń qyzmetkerleri jumylǵyshtyqty shektep, mádenı maqsattaǵy taýarlar men qyzmetterdi keń aıyrbastaý múmkindigin qamtamasyz etpeıtin naqty máselelerge tap bolady. Forýmnyń negizgi maqsaty aımaqtyq deńgeıde úılestirý mehanızmderin, sondaı-aq Ortalyq Azııa art-menedjerleriniń arasynda bilim men aqparat almasý mehanızmderin jasaý bolyp tabylady.
Forým jumysyna Mádenıet Mınıstrliginiń ókilderi, ÚEU jáne Qazaqstan, Qyrǵyzstan, Ózbekstan jáne Tájikstan art menedjerleri, sonymen qatar IýNESKO, Gıote Instıtýty (Germanııa), Azııa-Eýropalyq Qor (Sıngapýr) jáne Mońǵolııadan kelgen halyqaralyq sarapshylar atsalysty. Forýmda seriktestikti jolǵa qoıý maqsatynda búkil aımaqtan teatr, murajaı, galereıa, festıval ókilderi bolyp tabylatyn 80 mádenı joba jetekshileri jınaldy. Sessııa jáne pikirtalastaǵy jumystar shyǵarmashylyqty qoldaý jáne damytý, mádenı maqsattaǵy taýarlar men qyzmetterdiń teńdestirilgen aǵynyn qamtamasyz etý, shyǵarmashylyq qyzmetkerlerdiń saparlaryn arttyrý, Ortalyq Azııada aımaqtyq seriktestikti belsendendirý jáne sektoraralyq jáne elaralyq mádenı jobalar jasaý suraqtaryna arnalǵan.
Forýmda sondaı-aq mádenı maqsattaǵy ónimderdi óndirý jáne taratý, halyqaralyq naryqqa kirý jáne qarjylandyrýdyń qoljetimdiligin jeńildetý, mádenıet ekojúıesinde jergilikti jáne aımaqtyq naryqta qolaıly jaǵdaılar jasaý, shyǵarmashylyq qyzmetkerlerdiń saparlaryn qoldaý jáne aımaqtaǵy mádenıetaralyq seriktestikti kótermeleý jolymen mádenı jáne kreatıvti ındýstrııany nyǵaıtýdy qarastyratyn óz bolmysyn bildirýdiń mádenı formalaryn qorǵaý jáne kótermeleý Konvenııasy qarastyryldy.
Forým QR Tuńǵysh Prezıdenti Qorynyń qoldaýymen ótkiziletinin atap ótemiz. Qordyń mádenıet jónindegi Keńesi joba avtorynyń saıys aıasynda shyǵarmashylyq jobalarǵa grant berý bastamasyn qoldady. Grant saıys negizinde beriledi, ótinimderdi óner salasyndaǵy sarapshylardan turatyn arnaıy komıssııa baǵalaıdy, grant berý týraly sheshimdi QR Tuńǵysh Prezıdenti – Elbasy Qorynyń basshylyǵy qabyldaıdy. Grant berýdiń negizgi ólshemsharttary – shyǵarmashylyq bastamalardyń jańalyǵy, túpnusqalyǵy, Qazaqstanda ónerdiń sáıkes túriniń damýyna yqpaly.
