Kınotýyndyny QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» kınostýdııasy túsirgen. Fılmde jýas hımııa pániniń muǵalimi Erjan Qaıdarulynyń ómiri baıandalady. Onyń sabaqtarynda oqýshylar únemi shýlap otyrady. Bir kúni joǵarǵy synyp oqýshylarynan jábir kórgen ulyn qorǵamaq bolǵan ustaz olarmen kúrespek bolady.
- Bul festıval aýqymdy baıqaýlardyń biri. Iran, Qyrǵyzstan, Túrkııa, Franııa, Italııa, Belgııa jáne Shveııa syndy elderdiń fılmderi qatysty. Osy festıvalge qatysqanymnyń ózi jeńis dep sanaımyn. Festıval uıymdastyrýshylary men qonaqtary qazaq kınosyna erekshe qyzyǵýshylyq tanytqandary óte qýantty, - dedi rejısser Alen Rahmetalıev.
Dostluk Kısa Film Festival kınofestıvali dostyqqa negizdelgen, adamzat pen ǵalamnyń arasyndaǵy baılanysty nasıhattaıtyn kınonyń barlyq janry men formatyn óz aýdıtorısyna usynatyn birden bir festıval.
Anyqtama:
Rejısseri jáne senarıı avtory: Alen Rahmetalıev
Operatory: Erkebulan Balǵabaı
Qoıýshy sýretshi: Nurgúl Dúımaǵambetova
Dybys rejısseri: Malıka Belamanova
Atqarýshy prodıýser: Ádilet Ibrahım
Akterler: Murat Bekhojın, Erbolat Atabaı, Haqnazar Erasyluly
Alen Rahmetalıev – senarıst, rejısser. T.KJúrgenov atyndaǵy Qazaq ulttyq óner akademııasynyń túlegi («Kórkem fılmder rejısseri» mamandyǵy boıynsha). «Sońǵy kún» (2015), «Oıynshy» (2016), «Shydamdylyq» (2017) syndy qysqametrajdy fılmderdiń avtory.
