2017 jyldyń 17 naýryzynda saǵat 15.00-de Qazaqstan Respýblıkasy Memlekettik Ortalyq mýzeıi men Iran Islam Respýblıkasynyń Almaty qalasyndaǵy Bas Konsýldyǵy janyndaǵy Mádenı Ókildigi birlesip Naýryz meıramyna arnalǵan «Naýryz naqyshtary» atty festıval ótkizedi.
Kóktemgi kún men túnniń teńelgen ýaqytyn toılaý dástúri túrki tildes Shyǵys halyqtary arasynda erteden – ıslam dini qabyldanǵanǵa deıingi kezeńnen bastaý alady. Shýaqty kóktem merekesi – Naýryz meıramy túrki halyqtarynyń kópshiligi úshin tirshiliktiń bastaýy, tabıǵattyń jańarýy, meıirimniń, mahabbattyń, molshylyqtyń jáne baýyrmaldyqtyń nyshany. "Naýryz meıramy" Qazaqstanda 2001 j. Memlektettik mereke bolyp jarııalandy.
Qazaq jáne parsy halyqtarynyń arasyndaǵy tereń tamyrly qarym-qatynas búginde dáıekti jalǵasýda. «Naýryz naqyshtary» meıramy baıandy dostyq, mádenı dástúrler ortaqtastyǵynyń sımvoly bolyp tabylady.
Festıval aıasynda ashylǵan kórmede Irannyń dástúrli mádenıeti, ónerimen tolyǵyraq tanysýǵa múmkindik beretin, búginde sırek ushyrasatyn kóne buıymdar, ıaǵnı kempirqosaqsha qubylyp, túrli amal-tásilde jasalǵan mınıatıýra, shaǵyn músin, jıvopıs, bederli metall, boıama qysh (quty, qumyra, tabaq, qobdısha, tuǵyr) syndy qolóner týyndylary baıyrǵy qolónershi, sýretshi, kallıgrafısterdiń bıik talǵamy men sheberlik deńgeıin ańǵartady.
Erteden-aq, Naýryz meıramy kezinde ár aýyl-aımaqtyń jurty jınalyp, bir-birimen kórisip-júzdesip, esen-saýlyq surasqan, túrli ulttyq oıyn («Qyz qýý», «Aıqysh-uıqysh», «Aýdaryspaq», «Toǵyz qumalaq» jáne t.b.), dástúrli at jarystary («Báıge»,
«Jorǵa jarys», «Kókpar») uıymdastyrylyp, án shyrqalyp, kúı tartylyp, myń burala bı bılep, arqa-jarqa bolysqan.
Mýzeı mamandary bul kúni Oqýshylar saraıy, Respýblıkalyq sport
kolledji, «Halyqtyq- ulttyq sport túrleri jáne buqaralyq dene shynyqtyrý-saýyqtyrý klýby» atty JShS qyzmetkerlerimen birlesip dástúrli ulttyq sport, oıyn (asyq ıirý, toǵyzqumalaq, qazaqsha kúres, arqan tartý) túrleri boıynsha sheberlik-sabaqtaryn
ótkizedi.
Dástúrli qazaq mádenıetinde «Tusaý keser», «Besikke salý» syndy ǵuryptyq joralǵylardyń mańyzy zor. Festıval barysynda merekeniń eń kishkene qonaqtary – táı-táı basqan balaqaılardyń alǵashqy qadamy sátti, ıaǵnı ǵumyry uzaq, bolashaǵy jarqyn bolsyn dep, «Aq jol» degen tileýmen «Tusaý keser» joralǵysy atqarylady. «Tusaý keser» joralǵysyn QR Halyq artısi Nurǵalı Núsipjanov ótkizedi.
Qazaq sheberleriniń ǵasyrlar boıy shyńdap, kóziniń qarashyǵyndaı
urpaqtan-urpaqqa jetkizgen dástúrli qolóneriniń búgin de óresi bıik
deýge bolady. Bul mereke kezinde mýzeıdiń ǵylymı qyzmetkerleri qazaq kestesi, zergerlik óner tehnıkasy jaıly, al sheber Musa Ádil qazaqtyń mýzykalyq aspaby – dombyra jasaý tehnologııasy jóninde sheberlik sabaǵyn ótkizedi. Mýzeıdiń qor kollekııasynan alynǵan «Dástúrdiń jarqyn jalǵasy» taqyrybyndaǵy kórme E.Daýbaev, I.Jalmuqanova, I.Brıakına, E.Hrıstova, A. Abdýldaeva, A.Muqajanova, M.Álimbaeva, V.Shershneva syndy zergerlerdiń áshekeı buıymdary jáne Qazaqkórkemóner kásiporny (Kazhýdprom) shyǵarǵan kórkemdik ónimderin usynady. Qazaq mádenıeti, tamyry tereń beıneleý óneri, qoldanbaly-qolóner týyndylarynyń qundy
da qaıtalanbas úlgilerimen ekshelenedi. Festıval aıasynda kórermender N.V.Býbe, F.Tarazı, J.Táken, T.Volkova, B. Baltasheva, D.A.Baıdaralınder, D.Ótelbaev, E.Sharapova, E., A.Maýsarıeva, M. Qorqyt, R. Ómirzaq , J. Kerimbek A.Sákejan, M.Alıev, M. Ábiljan, N.Jeńisuly, Z.Nııazova, A. Mýstafaev, M.Narbaeva, A.Túzelbaeva syndy qazirgi qazaq sýretshileriniń shyǵarmashylyǵyna boılap ózindik stıl, san-qyrly janrda berilgen ult tarıhy, mádenıeti, turmysymen tanysa alady. Memlekettik qýyrshaq teatrynyń
«Naýryz-Dýman» jáne Muzafar Álimbaevtyń shyǵarmasy jelisimen S. Begalın atyndaǵy Ortalyq memlekettik balalar kitaphanasynyń qyzmetkerleri daıyndaǵan «Men dala balasymen» atty teatrlandyrylǵan qoıylymdary da kórermendi qýantary sózsiz.
Festıval baǵdarlamasyna saı balalarǵa «Armysyń, Áz Naýryz», «Ájemniń sandyǵyndaǵy zattardyń tarıhy», «Ertegi álemine saıahat» taqyrybynda ınteraktıvti sabaqtar, mýzeıdiń ekspozıııa zaldary boıynsha ekskýrsııa ótkiziledi, Almaty q. baspalardan shyqqan túrli ádebıetter kórmesi, Almaty sán jáne dızaın kolledji, «Symbat» sán Akademııasynyń
tehnologııa jáne dızaın kollledji stýdentteri daıyndaǵan qazaq ulttyq kıiminiń defıle-kórsetilimi usynylsa, QR halyq artısteri, etnografııalyq ansambl, mýzykalyq ujymdardyń qatysýymen konert uıymdastyrylady. Osy sharany ótkizýdegi mýzeı seriktesteri men demeýshileri: «Copy lider» kompanııasy; «Bahyt» sándi-qoldanbaly óner ortalyǵy; «Vıkrma ımpeks(II)LTD» jaýapkershiligi shekteýli seriktestigi; Akvapark «Gavaıı»; «Almaty nan»; TOO «Karapýz»; «GerkulesGames» damytýshy oıyndar boıynsha saýda kompanııasy; Qurmanǵazy atyndaǵy Qazaq ulttyq
konservatorııasy; Qazaq Memlekettik áıelder pedagogıkalyq ýnıversıteti; Ózbek mádenı ortalyǵy; «Kókjıek», «Almatykitap», «Sardar» baspalary, «Sweetbox flower», «Dolına roz» jáne t.b. QR Memlekettik ortalyq mýzeıi qala turǵyndary men qonaqtaryn qazaq ultynyń mádenıeti men dástúrleriniń álemin tamashalaýǵa shaqyrady!
Ashylý kúni saǵat 15.00-den 18.00-ge deıin mýzeıge kirý tegin
Kórmeniń jumys ýaqyty: 2017 j. 17-31naýryz, 15.00 - 18.00
