30 qazan men 3 qarasha aralyǵynda Kókshetaý qalasynja Reseı yntymaqtastyǵy ókildigi men Aqmola oblysynyń ákimdiginiń qoldaýymen "Te-Art-Kókshe" Halyqaralyq teatr festıvali ótýde. Alys-jaqyn elderden kelgen 13 teatr ózderiniń úzdik qoıylymdaryn usynyp, sahna dodasynda ózara baq synasýda. Qatysýshylar qatarynda Qazaqstan, Reseı, Ýkraına elderiniń úzdik teatrlary bar.
Halyqaralyq festıval Aqmola oblystyq orys drama teatrynyń jetekshiligimen uımdastyrylýda. Bul aıtýly sharany ótkizýdegi basty maqsat – teatr keńistigindegi ózge eldermen yntymaqtastyqty kúsheıtý men mádenı jáne rýhanı baılanystardyń odan ári nyǵaıa túsýine yqpal etý. Sondaı-aq, ókildi mádenı forýmnyń bastamashysy jáne uıymdastyrýshysy Aqmola oblystyq orys drama teatrynyń dırektory Beıbit Bahytǵyreevtiń aıtýynsha, "Te-art-Kókshe" festıvali halyqaralyq mádenı baılanystardy nyǵaıtýmen qatar, shyǵarmashylyq tájirıbe almasýǵa baǵyttalǵan.
Festıvalge qazylyq etý tizgini ónertaný kandıdaty, professor, teatr synshysy Sánııa Qabdıeva, ónertaný kandıdaty, Ǵ.Músirepov atyndaǵy balalar men jasóspirimder teatrynyń kórkemdik jetekshisi, teatr synshysy Erkin Jýasbek, Germanııadan kelgen teatrtanýshy ári synshy Nına Mazýr, grýzııalyq teatrtanýshy, ónertaný doktory Lasha Chhartıshvılı, teatr synshysy, "Kıprdegi bes kesh" Halyqaralyq teatr festıvaliniń art dırektory Armıne Oganesıan sekildi Halyqaralyq teatr synshylary qaýymdastyǵynyń múshelerine berilgen.
Teatrlar úzdik 4 nomınaııaǵa talasatyn bolady.Olar:
- «Úzdik áıel beınesi»
- «Úzdik er adam beınesi»
- «Úzdik spektakl»
- «Úzdik senografııa»
Halyqaralyq sahna báıgesine Qazaqstan teatrlary belsendi boı kórsetpek. Atap aıtar bolsaq, Aqmola oblysy orys drama teatry, N.Jantórın at. Mańǵystaý oblystyq mýzykaly drama teatry, Jambyl oblystyq orys drama teatry, Almaty memlekettik qýyrshaq teatry, K.Stanıslavskıı at. Qaraǵandy memlekettik orys drama teatry, F.Dostoevskıı atyndaǵy Shyǵys Qazaqstan oblystyq orys drama teatry, M.Gorkıı atyndaǵy memlekettik akademııalyq orys drama teatrlary óz repertýaryndaǵy úzdik spektaklmen qatysyp jatyr.
Qatysýshy teatrlar Oblystyq orys drama teatry, Sh.Qusaıynov atyndaǵy oblystyq qazaq mýzykalyq drama teatry, Úkili Ybyraı atyndaǵy oblystyq fılarmonııa, "Dostar", "Kókshetaý" Mádenıet saraılarynyń sahnasynda óner kórsetpek. Festıval aıasynda óner ıeleri arasynda tájirıbe almasý maqsatynda sheberlik synyptary ótkizildi.
