Túrkııa Respýblıkasy Mádenıet jáne Týrızm mınıstrliginiń jáne Túrkııa Respýblıkasynyń Almatydaǵy bas konsýldyǵynyń qoldaýymen, Ulttyq oı-pikir qaýymdastyǵy tarapynan uıymdastyrylatyn «V Túrik fılmderiniń aptalyǵy» is-sharasy 2019 jyldyń 28-qazan men 31-qazan aralyǵynda ótedi.
Bıylǵy jyly 5-ret uıymdastyrylyp otyrǵan «Túrik fılmderiniń aptalyǵyn» 28-qazan kúni Shúkrú Alachamnyń «Turǵyn úı» fılmi ashty. Kórsetilim baǵdarlamasynda «Ishimdegi qazyna», «Shef» jáne «Rafadan Taıfa» fılmderi kórermenge kórsetiletin bolady.
Festıval aıasynda Túrkııadan kelgen rejısserler men qazaqstandyq rejısserler arasynda jıyndar ótkizilip, eki el arasyndaǵy sabaqtastyqty nyǵaıtý, kıno salasy mamandarynyń qatysýymen birlesip fılm túsirý máseleleri qarastyrylady.
Sondaı-aq, atalmysh sharaǵa Túrkııa Respýblıkasynyń syrtqy ister mınıstriniń orynbasary Iavýz Selım Kyran, Ádilet jáne damý partııasynyń Ordý depýtaty jáne «Yerli Düşünce Derneği» uıymynyń prezıdenti Metın Gýndoǵdý qatysady.
