Aqtóbe oblystyq «Alaqaı» qýyrshaq teatry qazan aıynyń 19-26 aralyǵynda Komı Respýblıkasy, Syktyvkar qalasynda ótken IV Halyqaralyq «V gostıah ý Moıdysıa» qýyrshaq teatrlar festıvalinde boı kórsetti. Qýyrshaq teatry atalmysh festıvalge qazaqtyń halyq ertegisi «Syrttandar» boıynsha qoıylǵan S.Balykovtyń «Tizginińdi bosat ta, qustaı samǵa» qoıylymyn aparǵan edi.
Bul spektakl – mıftik ertegidegi bastapqy arhetıpti, adam janynyń óz qorqynysh jeńýdegi teketiresin kórsetken rejısserlik jumys. Ótken zamannan bizge jetken ańyz boıynsha jas bala beımálim dúleı kúshterge qarsy kelip, boıyndaǵy úreıdi, kez bolǵan qarsylyqty qalaı jeńgeni baıandalady.
Ertegige negizdelgen bul spektakl ádil qazylar alqasy tarapynan joǵary baǵalanyp, «Úzdik rejısserlik jumys» nomınaııasymen marapattaldy. Jáne osy spektakldegi balanyń róli úshin teatr aktrısasy Salıtova Álııa «Qazylar alqasynyń arnaıy júldesine» ıe boldy.
10-nan astam óner ujymy qatysqan Halyqaralyq festıvalde jalǵyz qazaqstandyq ujym «Alaqaı» teatry boldy. Uly dalanyń ańyz-ertegilerine álemniń yntyzary erekshe ekenine taǵy kózimiz jetti.
Negizi 1985 jyly qalanǵan «Alaqaı» qýyrshaq teatrynda osy kúnge deıin 75-ten astam qoıylym sahnalanǵan bolatyn. Ár jyl saıyn teatr repertýary jańa eki spektaklmen tolyǵyp otyrady. Teatr Reseı, Tatarstan, Bashqurtstan, Bolgarııa, Greııa, Túrkııa, Hakasııa, Tájikstan, Serbııa, Qyrǵyzstan, Horvatııa sekildi memleketterde ótken halyqaralyq festıvalderdiń laýreaty, dıplomanty. 2007 jyly «Kásibı múmkindigi joǵary teatr» ataǵyn ıelense, 2008 jyly TMD elderiniń eń tańdaýly «XXI ǵasyr teatry» dep baǵalandyǵyn erekshe atap ótý kerek.
