«1 maýsym – Halyqaralyq balalardy qorǵaý kúni» mereke ǵana emes, bolashaqqa baǵdar, baqytty urpaqty qalyptastyrýǵa qadam jasaıtyn halyqtyń erekshe atap ótýi tıis mańyzdy mindeti. Sebebi, adamzattyń aldynda turǵan zor maqsat – baqytty álemdi jasaıtyn baqytty balalardy tárbıeleý. Óz kezeginde qýyrshaq teatry muny óziniń damý jolyndaǵy basty kredosy dep sanaıdy. Ár búldirshinniń balalyq shaqtaǵy kórgeni men sezingeni bolashaq tulǵa retinde damýyna óz septigin tıgizedi. Endeshe, barshamyzdyń paryzymyz – bolashaǵymyz sanalatyn balalardyń baqytty sátterine úles qosý bolýy tıis. Sondyqtan, teatr ujymy atalmysh mereke qarsańynda balalarǵa erekshe kóńil-kúı syılaýǵa asyq!
Mereke kúni saıabaqtan bastalatyn qyzyqty dýman, teatrda jalǵasyp kishkentaı kórermenderimiz «Qýyrshaq dýman» qoıylymynyń qaıyrymdylyq kórsetilimin tegin tamashalaıtyn bolady. Spektaklge Almaty qalasyndaǵy kóp balaly, múmkindigi shekteýli, az qamtylǵan otbasylardyń balalary qatysyp, qııalyna qanat bitirer qýyrshaqtar dýmanyn tamashalaıdy.
Elimizde ǵana emes, búkil álemde bolyp jatqan jan jabyrqatar hál-ahýal balalar psıhologııasyna, olardyń kirshiksiz oılarynyń, bala qııaldarynyń toqyraýyna jol bermeýi tıis. Osy rette, Memlekettik qýyrshaq teatry 1 maýsym – HALYQARALYQ BALALARDY QOǴAÝ KÚNI merekesine oraı usynatyn konerttik baǵdarlamadan bólek, balalarǵa demeýshiler usynǵan syılyqtary úlestiretin bolady. Qaıyrymdylyq is-sharaǵa qoldaý tanytyp, balǵyn búldirshinderimizge qýanysh syılaıtyn «CASPIAN BEVERAGE HOLDING» lımonad ónimderi jáne «Asyltas HOLDING» otandyq kompanııasynń ulttyq brend sanalatyn qurt ónimderi bolmaq. Búldirshinderdiń baqytty júzin kórý, mereke qarsańynda ertegiler álemine saıahatty uıymdastyryp jáne syılyqtarmen qýantýda súbeli iske úles qosqan demeýshilerimizge erekshe alǵysymyzdy bildiremiz! Sanaly urpaq tárbıeleýde jumyla kótergen qaıyrymdy ister jalǵasyn taba bergeı!
Baldyrǵan shaq pen bala kúnderine saıahat jasaǵysy kelgen ár kórermenimiz mereke kúni usynatyn qyzyqty sharalar men spektaklderdi tamashalaýyna bolady. Munda kórermen jasyna shekteý joq. Ǵajaıyp pen jaqsylyqqa senetin ár kórermenimiz úshin teatr esigi aıqara ashyq! Merekeni meıirim mekeninde birge qarsy alaıyq!
