2017 jyly 18 qazanda saǵat 16:30-da Qazaqstan Respýblıkasynyń Tuńǵysh Prezıdenti – Elbasynyń Qorynda Sh.Aımanov atyndaǵy "Qazaqfılm" AQ, QR Mádenıet jáne sport mınıstrliginiń tapsyrysy boıynsha QR Din isteri jáne azamattyq qoǵam mınıstrliginiń qoldaýymen túsirilgen "Senim jolynda" atty derekti fılmniń tusaýkeseri ótedi. Fılmniń rejısseri Ásııa Baıǵojına.
Fılmde bizdiń qoǵamdaǵy ózekti máselelerdiń biri – din jolyndaǵy adasýshylyq týraly baıandalady. Negizgi epızodta – Aqtóbedegi terakt, oǵan qatysýshylar jáne qazir kolonııada jazasyn óteýshi ekstremıster men terrorıster. Bul fılm dástúrli emes ıslam aǵymyn ustaýshylardyń jaqyndarynyń estelikterine negizdelgen.
