Gúlzııa Sádýaqas
M.Áýezov atyndaǵy Qazaq MADT, BAQ menedjeri
Elbasy N.Á.Nazarbaevtyń «Rýhanı jańǵyrý» baǵdarlamasynyń «Jahandaǵy zamanaýı qazaqstandyq mádenıet» atty Halyqaralyq jobasy aıasynda QR Mádenıet jáne sport mınıstrliginiń qoldaýymen M.Áýezov atyndaǵy Qazaq Memlekettik akademııalyq drama teatry jeltoqsan aıynyń 19-26 kúnderi Japonııa astanasy Tokıo qalasyna gastroldik saparǵa attanady. Bul sapar barysynda teatr ujymy repertýardaǵy «Aqtastaǵy Ahıko» spektaklin sahnalap, «Uly Dala Eli» atty Ult rýhanııatyn ulyqtaıtyn konerttik baǵdarlamany japondyqtardyń nazaryna usynyp, teatr mýzeıinen oryn alǵan qundy jádigerlerimiz ben ulttyq qundylyqtarymyzdy tanytatyn kórme uıymdastyrady.
Elimiz úshin aýqymdy Halyqaralyq jobanyń aıasyndaǵy «Tokıo saparyna» daıyndyq barysynda 17 qarashadaǵy «Aqtastaǵy Ahıko» qoıylymyn ıdeıa avtorlary: N.Dýlatbekov, E.Bilál jáne Qazaqstandaǵy japon azamattary men japon tilin meńgerip júrgen izdenýshiler arnaıy tamashalap, spektakl sońynan teatr ujymynyń qatysýymen qoıylymǵa kelgen qonaqtar óz pikirlerimen, qoıylymnan alǵan áserlerimen bólisken bolatyn. Sonymen qatar, bul aýqymdy da salmaqty, mazmuny men máni tereń, maqsaty aıqyn is-saparǵa teatr ujymy asqan jaýapkershilikpen barlyq tehnıkalyq jáne shyǵarmashylyq múmkindikterdi paıdalana otyryp qyzý daıyndyq júrgizdi.
6 jeltoqsan kúni teatr ujymynyń «Tokıo saparyna» arnalǵan baspasóz konferenııasy ótti. Baspasóz konferenııasyna teatr dırektory, Qazaqstannyń eńbek sińirgen qaıratkeri Erlan Bilál, teatr dırektorynyń keńesshisi, Qazaqstannyń halyq artısi, professor Esmuhan Obaev, Qazaqstannyń halyq artısi, Memlekettik syılyqtyń laýreaty Sábıt Orazbaev, teatrdyń «Ádebıet bóliminiń»
meńgerýshisi, Halyqaralyq «Alash» syılyǵynyń laýreaty Álııa Bópejanova, jazýshy-dramatýrg, «Aqtastaǵy Ahıko» dramasynyń avtory Madına Omarova qatysty. Jıynnyń moderatory teatrdyń «Baspasóz qyzmeti» bóliminiń jetekshisi, Halyqaralyq «Alash» ádebı syılyǵynyń laýreaty Baqyt Bedelhan boldy.
Ult mádenıeti úshin aıryqsha máni bar bul is-sapardyń maqsaty – qazaq teatrlarynyń mártebesin kóterip, ulttyq qundylyqtarymyz ben jádigerlerimizdi ulyqtap, álemniń eń damyǵan memleketterinde tanytý. Tanytyp qana qoımaı, eki el arasyndaǵy yntymaqtastyq pen mádenı baılanystarǵa altyn kópir bolyp, Tokıodaǵy tabysty kezdesýler óz nátıjesin beredi – degen úmittemiz.
Osylaısha, ulttyq sanamyzǵa salmaq salatyn salıqaly sapardyń mártebesi – sol, Alash rýhy Japonııada jańǵyratyn bolady..
Qazaq óneriniń qarashańyraǵy sanalatyn ákem-teatrdyń – «Tokıo sapary» ult kóshbasshysy Nursultan Ábishulynyń baǵyt-baǵdary negizinde jasalǵan «Jahandaǵy zamanaýı qazaqstandyq mádenıet» atty Halyqaralyq jobasyna qosylǵan súbeli úles jáne qazaq ónerin álemge tanytýda jasalǵan nyq qadam dep túsingenimiz abzal. Bul gastroldik sapar bir ǵana teatrdyń emes, kúlli qazaq óneriniń, qazaq mádenıetiniń mereıin ústem etip, mártebesin kóteretin is-shara bolatynyna senimdimiz.
