Qazaqstandyq avtorlardy qoldaý, teatr repertýaryn jańa týyndylarmen tolyqtyrý, jańa kórkemdik keńistikterdiń ıgerilýine jol ashyp, dramatýrgııada jańa esimderdiń paıda bolýyna jáne olardyń kásibı ósýine múmkindik týdyrý maqsatynda «Úzdik tarıhı monodrama», «Úzdik zamanaýı monodrama», «Úzdik ınsenırovkalyq monodrama» janrlarynda jarııalanǵan baıqaýdyń jeńimpazdary 2021 jyldyń 27 naýryzy – Halyqaralyq teatr kúnine oraı anyqtaldy.
Baıqaý Qazylar alqasynyń sheshimimen jeńimpaz dep tanylǵandar:
«Zamanaýı monodrama» jeńimpazy – A. Ahmet. «Beıtanys-tanystar», S. Nuǵyman «Jan alqym»
«Tarıhı monodrama» jeńimpazy – Q. Begmanov. «Meniń Mustafam»
«Insenırovkalyq monodrama» jeńimpazy - D. Amantaı. «Bireýdiń ómiri»
M. Áýezov atyndaǵy Ulttyq drama teatry janyndaǵy «Jas dramatýrgtar laboratorııasy» aıasynda jazylǵan «Úzdik monodrama» - J. Baýyrjanqyzy «Qaıdasyń, mama?»
Baıqaý qorytyndylary boıynsha:
- úzdik dep tanylǵan bir monopesa ne monoınsenırovka teatr repertýaryna alynyp, sahnalanady;
- kórkemdik turǵydan saraptan ótken birneshe týyndy kórermender nazaryna telespektakl túrinde usynylady;
- sonymen qatar, sátti dep tanylǵan keı monopesalardy rejısserlik, akterlik laboratorııalarda oqý, sondaı-aq jeke jumystar túrinde qoıý uıymdastyrylady.
