Maqala / #stýdentSózi
Bala ǵashyq Qoja beınesi
Rejısser Nurqanat Jaqypbaıdyń "Kózime bir kórinseń bala ǵashyq" qoıylymyna kózqaras
Bólim: Teatr
Datasy: 24.04.2017
Avtory: Жансая Зейнелғабетова
Maqala
Bala ǵashyq Qoja beınesi
Rejısser Nurqanat Jaqypbaıdyń "Kózime bir kórinseń bala ǵashyq" qoıylymyna kózqaras
Bólim: Teatr
Datasy: 24.04.2017
Avtory: Жансая Зейнелғабетова
Bala ǵashyq Qoja beınesi

Kórermenderdiń kózaıymyna aınalyp ketken Qara kójeniń san-túrli qyzyqtar men shym-shytyryqqa toly balalyq shaǵynyń oqıǵasy áli kúnge deıin eshkimdi jalyqtyrmaı, ózine eliktirip keledi.  Iá, sebebi ol máńgilik taqyryp. Ondaǵy sýretteletin balalyq, pák mahabbat máńgilik taqyryp bolyp qala beretindigi bárimizge málim. Ekranda «Meniń atym Qoja» fılminen buzyq Qojabergenniń ómirin tamashalaǵan bolsaq, Astana Jastar teatrynyń qoıýymen «Kózime bir kórinseń bala ǵashyq» atty spektaklden onyń sahnalanǵan túrin tamashalýǵa bolady. Alaıda munda buzyqtyq jasap, urynyp júretin Qoja beınesi emes, synybyndaǵy eń ádemi, aqyldy, daryndy Janar atty qyzǵa ǵashyq bolǵan bala beınesi kóbirek baıandalǵan. Bul ózimizge belgili Qara kójeniń ekinshi, názik jandy nusqasy desek te bolady. B.Soqpaqbaevtiń povest jelisi boıynsha qoıylǵan bul spektakl zaldaǵy kórermenderdi birde dý kúldirip, birde muńaıtyp, oılandyryp, birde sezimge berildirip áketetin erekshe, názik spektaklderdiń biri.

Spektakldiń qoıýshy rejısseri Nurqanat Jaqypbaı barynsha erekshe rekvızıtterdi qoldanýǵa tyrysqan. Dekoraııasy da kórkemdilikti arttyra túsedi. Kishkentaı úıshikter, kishireıtilgen mektep, partalar, shımaı-shatpaq taqtaı jáne t.b qoldanylǵan zattar sahnany kórkemdendire túsip, aýyl turmysynyń, mektep oqýshylarynyń ómirin kórsete bildi. Birinshi kórinisti ekinshi kóriniske  akterlar hor bolyp óleń aıtýlary arqyly jalǵastyryp kete beredi. Sondyqtan da kórinisterdiń aýysýyn kórermen baıqamaı da qalady. Árqaısysy  qolyna bir-bir aspapty  alyp, jigitter qońyr daýystarymen, qyzdar syńǵyrlaǵan názik daýystarymen án aıtqan sátte qoıylym odan saıyn áserli bola túsken. Bul spektakldiń taǵy bir erekshe tusynyń biri. Daýys úılesimdiligi men qımyl úılesimdiligin saqtaı bilý árıne ońaı emes. Sahnadaǵy sol úılesimdilik bir jarym saǵat boıy zaldaǵy kórermendi ustap otyra alady. Janarǵa shyn ǵashyq bolǵan, biraq óziniń dóreki mineziniń, buzyqtyǵynyń kesirinen únemi ursysyp qalyp, sezimin bildirýge batyly jetpegen Qojanyń rólin somdaǵan eki akter de (D.Serǵazın. M.Amangeldın) sol bala beınesin asha bilgen. Birde oqıǵany baıandap otyratyn eresek Qojanyń rólin somdap, birde qymyz satýshy aılaker balanyń róline kirip ketetin Dáýren Serǵazınniń akterlyq sheberligi rasynda da joǵarǵy deıgeıde. Tipti únemi Qojany ańdyp júretin súıkimsiz, qý Jantasty oınaǵan (J.Bataı) akter de sol keıipkerdiń ersi minezin óziniń qımyl-qozǵalysymen, syzylyp shyqqan daýys únimen kórsete bildi. Mine, osy sekildi akterlardyń shynaıy oıyny arqyly sahnada oryn alǵan mekteptegi sózge kelisip qalý, sabaq aıtý sııaqty qyzyqty kórinister balalyq shaqtyń atmosferasyn ashyp tur. Al, Qojaǵa temeki shegýdi birinshi bolyp úıretken sózge sheber, dórekileý, kúlkili minezdi Sultannyń( N.Tólegen) qatysýymen ótken kórinis kórermenniń kóbirek esinde qalǵan, dý kúldirtken kórinis bolyp tabylady. Spektakldi oınatyp turǵan tek akter oıyny ǵana emes, negizinen án men massovka. Qoja men Janardyń arasyndaǵy balalyq mahabbatty baqylap turýshy kópshilik jigitter men qyzdar bul jerde kórermenniń ózi bolyp turǵandaı. Kórermen ishinen qoıyp turǵan suraqty olar sahnada daýystap qoıady, kórermen ishteı jazalap otyrǵan keıipkerdi olar sahnada jazalaıdy, kórermen kúletin sátterde olar da qosa kúledi. Spektakldiń áserliligin arttyra túsken taǵy bir elementterdiń biri kostıým men grım. Muǵalimniń, oqýshynyń, kempirdiń, shaldyń rólin somdaǵannyń bári jastar bolǵanymen kostıýmnyń, grımniń arqasynda ol bilinbeı de qalady.

«Kózime bir kórinseń bala ǵashyq» balalyq shaq,  balalyq sezim, balalyq sana-túısik jáne eseıý jaıyndaǵy sahnalyq kórkem qoıylym. Balalyq shaqqa bir saıahat jasap qaıtqandaı áser bereri sózsiz.