Shyǵarmashyl jastardyń «Kózimniń qarasy» mádenı-tanymdyq klýbynyń jańa oqý jylyndaǵy alǵashqy kezdesýi belgili aqyn, ózindik maqamdy jyrlary bar, «Qyrandar men qazaqtar», «Maqpal sher» jyr jınaqtarynyń avtory Maqpal Jumabaımen boldy. Eki saǵattan astam ýaqytqa sozylǵan kezdesý óte erkin formatta ótti.  

Óz izdenisine «maqamdy jyr» degen ataý bergen Maqpal, áńgimesin eshqandaı sheńberge syımaıtyn óneri jaıynda bastady. Ár shyǵarmasyn ózine tán maqamymen jetkizetindigi burynnan bar dástúrli poezııanyń jarqyn úlgisi ekenin aıtyp, ózin sol dástúrdi jalǵastyrýshy dep eseptese de nemese zamannyń jańa baǵyty dep qabyldasa da eshqandaı aıyrmashylyq bolmaıtynyn bildirdi. Kezdesýge kelgender «Maqpaldyń maqamdy jyrlaryn» tyńdap, sýsyndap otyrdy. Maqpal stýdentterdiń kókeıinde júrgen suraqtaryna bar yntasymen jaýap berdi.

Ideıa úshin ómir súrýdiń mańyzyn da túsindirip ótti. "Júrek tastar" týraly áńgimesi arqyly bala men ananyń názik qarym-qatynasyn uǵyndyrdy.

Kezdesýdiń sońynda Maqpal Jumabaı «Kózimniń qarasy» klýbyna «Maqpal sher» jyr jınaǵyn syılady. Dástúrli túrde klýb músheleri Maqpal Jumabaımen sýretke túsip, alǵan áserlerin jasyra almaı tarady.