Jańalyqtar

2018 jyldyń 29 qarashasynda saǵat 17:00-de QR Ulttyq kitaphanasynda «Qazaqstannyń túrki tildes halyqtary» ıkly boıynsha túsirilgen derekti fılmderdiń kórsetilimi ótedi. Bul derekti týyndylardy QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen.

Qazaqstan Respýblıkasynyń Memlekettik ortalyq  mýzeıinde <strong>Qazaqstandaǵy kórkemónerden alǵash úzdiksiz úsh satyly bilim berý júıesiniń negizin qalaǵan ǵalym, professor Ibragımov Ulyqbek Sharahynulyn eske alýǵa arnalǵan «Estelikter aınasy»</strong> atty kórmesiniń ashylýy ótti.

Portýgalııanyń Lıssabon jáne Sıntra qalalarynda qarashanyń 16-y men 25-i aralyǵynda ótken 12-shi halyqaralyq LEFFEST kınofestıvaliniń jeńimpazdary anyqtaldy. Festıvaldiń «Úzdik fılm» júldesi qazaqstandyq rejısser Emır Baıǵazınniń «Ózen» fılmine  buıyrdy. Atalǵan kınotýyndy festıvaldiń negizgi konkýrsyna qatysyp, Eýropa, Azııa, Soltústik jáne Ońtústik Amerıka elderiniń fılmderimen úzdik atanýǵa talasty.

Halyqaralyq adam quqyǵy kúnine oraı 29 qarasha kúni Almaty qalasy Ortalyq memlekettik mýzeıde jyl saıynǵy World Press Photo-2018 biregeı fotokórmesiniń ashylýy ótedi.

2018 jyldyń 28 qarashasynda saǵat 16.00-de Á. Qasteev atyndaǵy QR Memlekettik óner mýzeıinde, QR Tuńǵysh Prezıdenti kúnine oraılastyrylǵan «Qazaqstan keskindemesi» ǵylymı katalogynyń II tomynyń saltanatty tusaýkeseri ótedi. Qazaqstan tarıhynda alǵash ret keskindeme katalogynyń tolyq kórneki ǵylymı basylymy shyǵaryla bastady.

2018 j. 29 qarashada saǵat 16.00-de Á. Qasteev atyndaǵy QR Memlekettik óner mýzeıinde Qazaqstannyń eńbek sińirgen qaıratkeri, Qazaqstan Sýretshiler odaǵy men Qazaqstan Dızaınerler odaǵynyń múshesi, QR Sýretshiler odaǵy Shymkent uıymy basqarmasynyń tóraǵasy Sultan Ilıaevtiń «Máńgilik tańbalary» kórmesiniń saltanatty ashylý rásimi bolady.

Oral qalasynda H.Bókeeva atyndaǵy oblystyq qazaq drama teatrynyń aktery ári bas rejısseri Samal Qaderuly Ábýovtyń Astana qalasynda "Jastar janary" ortalyǵy daıyndaýymen «Teatr.Tarıh.Taǵylym.» atty alǵashqy jınaǵy jaryq kórdi. Kitaptyń aty aıtyp turǵandaı, jınaqqa oblystyq qazaq drama teatry, onda qoltańbasy qalǵan óner tulǵalary, búginde qyzmet etip júrgen teatr maıtalmandary engizilgen.

26 qyrkúıek saǵ. 19:00 Konservatorııanyń Úlken zalynda (Abylaı han dańǵ, 90) B.Shókenov atyndaǵy I Respýblıkalyq aǵashtan jasalǵan úrmeli aspaptar baıqaýynyń ashylý saltanatyna baılanysty aýqymdy konert ótkiziledi.

21 qarashada, Almaty qalasynda 14-shi Halyqaralyq Sháken Aımanov kınofestıvaliniń saltanatty jabylý rásimi ótti. Saltanatty kesh Abaı atyndaǵy Memlekettik akademııalyq opera jáne balet teatrynda ótti. Jabylý rásimine álemdik jáne qazaqstandyq kınematorgaftyń jarqyn juldyzdary qatysty.

Portýgalııanyń Lıssabon qalasynda qarashanyń 19-y men 25-i aralyǵynda ótip jatqan 12-shi Halyqaralyq Lisbon &amp; Sintra Film Festival kınofestıvalinde Dárejan Ómirbaev fılmderiniń retrospektıvasy ótýde.