Mádenı is-shara barysynda jas dokýmentalıst-rejısserler túsirgen kelesi fılmder kórsetiledi: «Jip» (rejısseri Nadıra Sadýova), «Tústiń dámi» (rejısseriKamıla Ábdeldinova), «Chývash halqy. Qazaqstan – meniń ekinshi otanym» (rejısseri Dınara Manabaeva)jáne «Ata kásip» (rejısseri Berik Jahanov).
Aıta ketsek, joǵaryda aıtylǵan fılmder halyqaralyq kınofestıvalderge qatysyp, júldeli oryndardan kórinip júr. Mysaly, Abdýmanat esimdi ózbek qolóner ıesi týraly baıandaıtyn «Ata kásip» fılmi Almatyda qarasha aıynyń basynda ótken «Bastaý» halyqaralyq kınofestıvalinde Oraz Ábishev atyndaǵy «Úzdik derekti fılm» júldesimen marapattaldy.
Barlyq fılmderdi qoıýshy rejısserler, sonymen qatar shyǵarmashylyq toptyń ókilderi tanystyratyn bolady.
Fılmder týraly aqparat:
«Jip» /«Nıt»
Senarıı avtorlary: N.Sadýova, R.Orynbasarova
Qoıýshy rejısseri: N.Sadýova
Fılm Qazaqstanda turatyn tatar hylqynyń turmys tirshiligi, dástúrleri men mádenıeti týraly baıandaıdy. Fılmniń basty keıipkeri Vadıga Galımbaeva esimdi tiginshi tatar halqynyń ulttyq kıimderin tigedi.
«Tústiń dámi»/ «Vkýs veta»
Senarıı avtorlary:K.Berdimuratova, A.Baqyt
Qoıýshy rejısseri: K.Ábdeldinova
Fılm Venera Vajıtova esimdi jas sýretshi jáne kıim dızaıneri týraly baıandaıdy. Fılmniń túsirý toby Veneramen birge onyń týyp ósken Shonjaaýylyna baryp, uıǵyr halqynyń mádenıeti men turmys tirshiligi týraly kóp málimetalady.
«Chývash halqy. Qazaqstan – meniń ekinshi otanym» /«Chývashı. Kazahstan – moıa vtoraıa rodına»
Senarıı avtory jáne qoıýshy rejısseri: D.Manabaeva
Fılmde chývash hylqynyń ókili, pavlodarlyq Marııa Sımýlına týraly baıandalady. Joldasymen birge Qazaqstanǵa kezdeısoq kelgen ol, elimizde qalyp, ósip-ónedi.
«Ata kásip» / «Nasledıe predkov»
Senarıı avtorlary:B.Jahanov, F.Tanaeva
Qoıýshy rejısser:B.Jahanov
Derekti fılm ata kásip – besik jasaýmen aınalysatyn Abdýmanat esimdi ózbek sheberdiń ómirin baıandaıdy.
