Á. Qasteev atyndaǵy Qazaqstan Respýblıkasynyń Memlekettik óner mýzeıi 1935 jyly qurylǵan, kollekııanyń negizgi bólimi Qazaqstan beıneleý óneri bolyp tabylady. Qazaq keskindemesi paıda bolǵan kezeńnen beri álemdik kórkemdik qubylystar qatarynda shyn mánindegi mańyzdy qubylysqa aınaldy.
«Mýzeılik jınaq kásibı mekteptiń qalyptasýy men damýynyń barlyq kezeńderin kórsetedi, sondaı-aq qazaqstandyq jetekshi óner sheberleriniń túpnusqalyq jaýharlaryn qamtıdy. Qazaqstandaǵy jetekshi kórkemsýret mýzeıindegi keskindeme kollekııasyn tolyǵymen tııanaqtaý Qazaqstan keskindemesiniń basty katalogyn shyǵarýdyń basty maqsaty bolyp tabylady, qazirgi ýaqytta sizder II tomyn qoldaryńyzda ustap tursyzdar. Basty katalogpen jumys − ǵylymı-zertteý jumysy men saqtaý men esepke alý sııaqty mańyzdy mindetterdi biriktiretin mýzeı qyzmetiniń negizgi baǵytynyń biri. Katalog – aýqymdy kollekııany qalyptastyrý men zertteýge baǵyttalǵan kópjyldyq kúsh-jigerdiń nátıjesi. Ol negizgi kezeńderdi, onyń qalyptasýy men tolyqtyrylýynyń serpini men geografııasyn kórneki baqylaýǵa múmkindik beredi», - deıdi mýzeı dırektory, professor Gúlmıra Shalabaeva katalogtyń ekinshi tomyna kirispe maqalasynda. Bul uzaq merzimdi jáne mańyzdy joba Qazaqstan men Ortalyq Azııadaǵy KPMG halyqaralyq kompanııasy arqasynda júzege asyrylýda, mýzeıdiń oǵan degen alǵysy sheksiz. Basylym jumystaryn júrgizý barysynda ony avtorlardyń tegin álipbılik retpen bólip, úsh tomda usyný jóninde sheshim qabyldandy. 2017 jyly katalogtyń birinshi tomy usynyldy − A-dan K-ǵa deıingi 1102 shyǵarmalardan turatyn reprodýkııa. Bul basylym ekinshi tomda − L-dan T-ǵa deıin, onda 1172 týyndynyń reprodýkııalary usynylǵan. Úshinshi tomǵa Ý-dan Ia-ǵa deıingi sýretshiler, teatr-dekoraııalyq keskindeme jáne sońǵy jyldardaǵy jańa túsimder engiziletin bolady. Barlyq tomdarda biryńǵaı aqparattyq qaǵıda saqtalady: avtor týraly qysqasha ómirbaıandyq málimet, sondaı-aq árbir sýret týraly tolyq aqparat beriledi. Katalogtyń ekinshi tomy Leonıd Leontev, Sabyr Mámbeev, Naǵymbek Nurmuhammedov, Sahı Romanov, Alekseı Stepanov, KSRO Halyq sýretshisi Qanafııa Teljanov sııaqty Qazaqstan keskindemesiniń kórnekti sheberleri, QR Halyq sýretshileriniń shyǵarmalaryn qamtıdy. Olardyń árqaısysynyń shyǵarmashylyǵy – Á. Qasteev atyndaǵy QR Memlekettik óner mýzeıimen muqııat saqtalǵan, Qazaqstan óneriniń Altyn qoryn quraıtyn Qazaqstan keskindemesi tarıhynyń mańyzdy paraǵy. Mýzeıdiń qurylýynan bastap búgingi kúnge deıingi ár túrli bólimsheler qyzmetkerleriniń qyzmeti qazaqstandyq sheberlerdiń shyǵarmashylyq muralaryn júıeli, josparly túrde keńeıtýge, saqtaýǵa jáne zertteýge baǵyttalǵan. Kollekııany keńeıtý strategııasy mýzeı basshylyǵyna qazirde negiz bolady, ol jańa eksponattardyń kelýine yqpal etetin jobalardy júzege asyrýǵa múmkindik beredi. Osyǵan oraı, aýqymdy ulttyq jáne respýblıkalyq kórme-konkýrstar uıymdastyryldy, qorytyndysy boıynsha jeńimpazdar týyndylary mýzeı qoryna tapsyryldy. Olardyń qatarynda: 2012 jylǵy «Qazaq halqynyń epostyq jyrlary, tarıhy men dástúrleri», 2016 jylǵy Qazaqstan Táýelsizdiginiń 25 jyldyǵyna oraılastyrylǵan «Babalar ańsaǵan Táýelsizdik» kórmeleri bar. Katalogtyń ekinshi tomynyń tanystyrylymy, tusaýkeser rolıgin, ekspozıııa boıynsha ınteraktıvti týr, mýzykalyq aspaptar kvartetiniń óneri, mýzeı qyzmetkerleri men «Imperııa tana» horeografııalyq stýdııasynyń «Jan bitken kenepter» performansyn kórsetýdi qamtıtyn bolady.
