Жаңалықтар

Жас режиссер Рамазан Халиолланың қысқаметражды «Домбыра» фильмі Нью-Дели қаласында өткен 8-ші Халықаралық қысқаметражды фильмдер кинофестивалінде (Delhi Shorts International Film Festival) «Үздік фильм» жүлдесін жеңіп алды.

2019 жылы 22-қазанда ҚР Ұлттық кітапханасының Н.Дәулетова атындағы залында танымал қазақстандық суретші-реставратор Қырым Алтынбековтың кітабының тұсаукесері өтті.

Хадиша Бөкеева атындағы Батыс Қазақстан облыстық қазақ драма театрының директоры болып Әбілғазина Салтанат Мақсотқызы тағайындалды. Ол бұған дейін өнер ұжымына басшы болған Қуаныш Амандықовты алмастырды.

Батырхан Шукенов атындағы ІІ Республикалық жез үрмелі және ұрмалы аспаптарда орындаушылардың байқауы Алматыда 9 және 13 қараша аралығында өтеді. Байқауда алты номинация болады: труба, валторна, тромбон, туба, ұрмалы аспаптар және джаз ансамблі. Іс –шара Батырхан Шукенов атындағы қор және Болат Утемуратов қорының қолдауымен ұйымдастыруда.

28 қазанда өтетін Лондондағы қазақ киносы апталығының ашылу салтанатында режиссер Сәбит Құрманбеков түсірген «Оралман» фильмі көрсетіледі. Мәдени іс-шараны ҚР Мәдениет және спорт министрлігі, Қазақстан Республикасының Ұлыбритания және Солтүстік Ирландия Құрама Корольдігіндегі елшілігі, Ш.Айманов атындағы «Қазақфильм» киностудиясы ұйымдастырып отыр.

2019 жылы 25 қазанда, сағат 16.00-де Қазақстан Республикасы Мемлекеттік Орталық музейінде суретші-педагог Жұмаділхан Керімбектің «Ауыл – ел бесігі» атты жеке шығармашылық көрмесі ашылады. Көрме Қазақ Ұлттық аграрлық университетінің 90- жылдық мерейтойына арналған.

2019 жылдың 23-қазан күні сағат 16.00-де Ә.Қастеев атындағы ҚР Мемлекеттік өнер музейінде театр жылы мен А.С.Пушкиннің туғанына 220 жыл толуына арналған жыл сайынғы «Әрқашан біргеміз» ІІІ Халықаралық авторлық интерьерлік қуыршақтар көрмесінің баспасөз конференциясы, ал 30-қазан күні сағат 16.00-де көрменің салтанатты ашылуы өтеді. Көрмені ұйымдастырушылар – Алматыдағы Ресейдің Бас Елшілігі, Қазақстан Республикасындағы Ресей ынтымақтастығының өкілдігі, Ә.Қастеев атындағы ҚР Мемлекеттік өнер музейі, Қазақстанның «Центр Вселенной Кукол» қуыршақшылар қоғамдастығы.

17 қазанда Варшавада Әділхан Ержановтың "Атбайдың шайқасы" фильмінің әлемдік тұсаукесері болып өтті. Картина 11-20 қазан аралығында өткен 35-ші Варшава Халықаралық кинофестивалінің негізгі конкурстық бағдарламасына қатысты. Фильмді "Short Brothers" және "Arizona Productions" компанияларының қатысуымен "Sunny Production" компаниясы түсірген. Туындыны фестивальде режиссер Әділхан Ержанов, сондай-ақ басты рөлдерді сомдаған Данияр Алшинов, Санжар Мади және де фильмнің бас продюсері Асель Садвакасова таныстырды. Қазақстандық прокатқа "Атбайдың шайқасы" келесі жылы шығады.

2019 жылы 22 қазанда ҚР Ұлттық кітапханасының Н. Дәулетова атындағы залында танымал қазақстандық суретші-реставратор Қырым Алтынбековтың кітабының тұсаукесері өтеді.

Режиссер Берік Жаханов түсірген «Асан» қысқаметражды фильмі Румынияда өткен халықаралық Short to the Point кинофестивалінде «Үздік ер адам рөлі» (актер Азат Жұмаділ) және «Үздік операторлық жұмыс» (операторы Шерхан Тансықбаев) жүлделерімен мараптталды.