Жаңалықтар

Душанбе қаласында қазанның 16-ы мен 20-ы аралығында тәжік киносының күніне орай деректі фильмдерге арналған «Дидор» халықаралық кинофестивалі өтеді. Бұл байқаудың халықаралық конкурстық бағдарламасында режиссер Владимир Тюлькин түсірген «13 шақырым» деректі фильмі көрсетіледі.

Қазақстан Республикасы Мемлекеттік орталық музейі Алматы қаласы әкімдігінің қолдауымен 2019 жылдың 17 қазан күні сағат 15.00-де Қазақстанның атақты суретшісі, мүсінші Бақытжан Әбішевтің «Дала үні» атты мемориалдық көрмесін ашады.

Қазақстан мен қазақстандық кино туралы әлемдік кино қоғамдастығы көбірек танып білуде. Пусандағы (BIFF) 24-ші Халықаралық кинофестивальде біздің еліміз қаншалықты сәтті таныстырылғандығы туралы бірнеше жақсы жаңалықты Ұлттық киноны қолдау мемлекеттік орталығы Басқарма Төрағасының кеңесшісі Анна Качко айтып берді.

«Мұзбалақ» анимациялық фильмі үстіміздегі жылы қазанның 7-і мен 13-і аралығында Германияның Хемниц қаласында өткен 24-ші Халықаралық балалар мен жасөспірімдерге арналған Schlingel кинофестивалінде Германияның анимациялық фильмдер институты (DIAF) тағайындаған «Үздік анимациялық фильм» жүлдесімен марапатталды.

Ә. Қастеев атындағы ҚР Мемлекеттік өнер музейінде «Закавказье республикаларының өнері: Әзірбайжан, Армения, Грузия» атты жаңа экспозиция ашылды. Бұл көрме – бір кезде өмір сүрген алып ел – Кеңес Одағын таныстыратын мемлекеттердің қылқалам шеберлерінің көрмесін ашып, туындыларын көрсетуді мақсат еткен, 2017 жылы бастау алған үлкен жобаның жалғасы.

2019 жылы 11 қазанда сағат 16.00-де Ә. Қастеев атындағы ҚР Мемлекеттік өнер музейінде суретші Әли Бақтыгереевтің шеберханасының «АЛАУ» көрмесі ашылады.

Қыркүйек айының соңы Семей қаласында өткен талантты актриса Әмина Өмірзақованың 100 жылдығына арналған Қазақстан драма театрларының XXVII республикалық фестивалімен есте қалды.

2019 жылдың 11 қазаны сағат 10.00-де Қазақстан Республикасы Мемлекеттік орталық музейі Абай атындағы Қазақ Ұлттық педагогикалық университетімен бірлесе отырып «Ұлы дала қыры: заманауи кезеңдегі шығармашылық тәжірибелер мен көркем білім беру» атты халықаралық Арт – форум аясында Өнер, мәдениет және спорт институтының (КСФ) 50-жылдық мерейтойына арналған профессор-оқытушы құрамының шығармашылық жұмыстарынан «Мерейтой палитрасы» атты көрме ашады.

2019 жылы 10 қазан күні сағат 19:00-де Ермек Тұрсыновтың киноклубында (ҚР Ұлттық кітапханасы, Алматы, Абай даңғылы,14) режиссер Фархат Шәріповтың «Тұлғалық өсу тренингі» («Тренинг личностного роста») фильмі көрсетіледі.

Құрманғазы атындағы Қазақ ұлттық консерваториясы «Халық музыкасы» факультетінің деканы болып қызмет атқарған, Қазақстан Республикасының еңбек сіңірген қайраткері, дарынды күйші, білікті ұстаз Нүркен Нұрғалиұлы Әшіровты А. Жұбанов атындағы дарынды балаларға арналған Республикалық қазақ мамандандырылған музыка мектеп-интернатының директоры болып тағайындалды.