«Балуан Шолақ» фильмі БАҚ өкілдеріне көрсетілді

14 желтоқсанда  Алматыда «Kinopark 8 Moskva» кинотеатрында «Балуан Шолақ» атты көркем фильмнің БАҚ өкілдеріне арналған жабық көрсетілімі өтті. Фильмді ҚР Мәдениет және спорт министрлігінің тапсырысы бойынша Ш.Айманов атындағы «Қазақфильм» киностудиясы түсірген. Фильмнің режиссері – Нұргелді Садығұлов. Тарихи кинолента палуан, әнші әрі композитор Балуан Шолаққа арналған.
«Балуан Шолақ» фильмі БАҚ өкілдеріне көрсетілді

Іс-шараға: сценарий авторы Дулат Исабеков, режиссері Нұргелді Садығұлов, операторы Ренат Қосай, продюсері Сәбит Әбдіхалықов, актерлер: Альбина Шардарова, Сафуан Шаймерденов, және зиялы қауым өкілдері қатысты.

Естеріңізге сала кетейік, фильмнің түсірілім жұмыстары Алматы облысының Жалаңаш және Кеген ауылдарында өткен. Көпшілік сахналарға үш жүзден астам адам қатысқан. Сондай-ақ, түсірілімдер Павлодар қаласында және Бурабай курортты аймағында өткен.

Фильм прокатқа 2019 жылдың басында шығады деп жоспарлануда.

Картинаның режиссері Нұргелді Садығұлов баспасөз отырысында былай деді: «Мен үшін маңыздысы жас ұрпақты Балуан Шолақтың тұлғасымен таныстыру және ол өмір сүрген тарихи кезеңді көрсету. Фильмнің қалай шыққанын экран көрсетеді. Түсірілім тобымен өте жақсы жұмыс жасадық. Әсіресе актерлерді – Балуан Шолақты сомдаған Еркебұлан Дайыровты, Ақылбайды ойнаған Медғат Өмірәлиевті және Долгоносовтың образын аша білген Александр Багрянцевті атап өткім келеді».

Өндірісі: Ш.Айманов атындағы «Қазақфильм» АҚ

Сценарий авторы: Д.Исабеков

Қоюшы режиссер: Н.Садығұлов

Қоюшы оператор: Р.Қосай

Қоюшы суретші: Е.Сүлейменов

Киім суретшісі: М.Торыбаева

Арт-продюсері: С.Әбдіхалықов

Атқарушы продюсері: Б.Байназаров

 

 

Садығұлов Нұргелді Серікұлы

Білімі:

Т.Жүргенов атындағы Қазақ ұлттық өнер академиясы (1998 – 2002жж.)

Мамандығы: деректі кино және ТВ режиссері

С.А. Герасимов атындағы бүкілресейлік мемлекеттік кинематография. (2006 – 2010жж.)

Мамандығы:  көркем фильм және ТВ режиссері

Фильмографиясы: 

Деректі фильмдер: «Көкпар» 1998ж., «Отшельник поневоле»  1999ж.,  «Ковер» 2000ж., «Соғым» 2002ж., «Скрипка и виолончель» 2003ж., «Семейный дом Купкиных» 2004ж., «Түркістан» 2007ж., «Абай» 5 серия 2012ж.,  «Исабеков әлемі» 2013ж.

Көркем фильмдер: «Игрушки» 2007ж. «Молоко» 2009ж. «Кредитке махаббат» 2010ж. «Зұлмат», «Біздің ауыл – во!» 2011ж.
Деректі фильмдер циклы:«Саят» 2005ж., Сериал «1 сынып» 2005ж., «Әпке» 2013ж., «Ұлт мақтанышы» 2013ж.

"Балуан Шолақ" фильмінен

 

Сізге қызық болуы мүмкін: